سنجھورو تھانہ کی حدود میں راہزنی کی وارداتیں بڑھ گئیں تین موٹر سائیکل چھین لی گئیں، مزاحمت پر 4 افراد زخمی ہو گئے
Posted on April 29, 2013 By Noman Webmaster سٹی نیوز
سنجھورو تھانہ کی حدود میں بھائی خان رستی پر نا معلوم مسلح افراد نے موٹر سائیکل چھیننے کے دوران مزاحمت پر شبیر احمد ملک اور اس کے بیٹے ندیم ملک کو شدید زخمی کر کے موٹر سائیکل، موابائل فون اور نقد رقم چھین کر فرا ر ہوگئے۔
راہزنی کے واقعہ کے خلاف گائوں ایم اے لطیف کے سینکڑوں رہائشیوں نے روڈ بلاک کرکے احتجاج کیا۔ڈی ایس پی سنجھورو کی یقین دہانی کے بعد شہریوں نے اپنا احتجاج ختم کیا۔
دریں اثناء سنجھورو تھانہ کی ہی حدود میں نواب شاہ روڈ پر 11 نمبر پلی کے مقام پر نا معلوم مسلح افراد نے امید علی سنجرانی کو زخمی کر کے موٹر سائیکل چھین لی۔تیسری واردات میں 39 چک کے قریب محمد یوسف چانگ کو نا معلوم مسلح افراد نے موٹر سائیکل چھیننے کے دوران مزاحمت کرنے پر زخمی کردیا۔
