راولپنڈی (پریس ریلیز) الخدمت فاؤنڈیشن کی جنرل کونسل کے دو روزہ اجلاس سے خطاب کرتے ہوئے محمد عبدالشکور نے کہا کہ الخدمت فاؤنڈیشن ملک بھر میں خدمت خلق کا ایک بڑا نام بن چکی ہے۔ الخدمت مستحق اور نادار افراد کی عزت نفس کا خیال رکھتے ہوئے ان کے لئے خدمات سر انجام دے رہی ہے۔ الخدمت کی معاشرے کے محروم طبقے کے لئے کاوشیں قابلِ تقلید ہیں۔ مرکزی صدرمحمد عبد الشکور کی زیر صدارت جنرل کونسل کے اجلاس کے آخری روز الخدمت فاؤنڈیشن کے پروگرامز آفات سے بچاؤ،صحت عامہ، تعلیم، صاف پانی، کفالت یتامیٰ، مواخات اور سماجی خدمات کے نیشنل ڈائریکٹرز نے ملٹی میڈیا پریزنٹیشن کے ذریعے گزشتہ سال کی کارکردگی رپورٹ پیش کی جس کا اجلاس میں جائزہ لیا گیااس کے علاوہ آئندہ کی منصوبہ بندی بھی پیش کی گئی۔
اجلاس میں شعبہ سماجی خدمات کے تحت امسال قربانی پراجیکٹ کے حوالے سے بھی تفصیلی رپورٹ پیش کی گئی جس کے مطابق پنجاب، سندھ، بلوچستان، خیبر پختونخوا، آزاد کشمیر، فاٹا، گلگت بلتستان اور کراچی سمیت روہنگیا اور شامی مہاجرین کیمپس میں 2823 جانورقربان کئے گئے جس سے مجموعی طور پر 97 ہزار مستحق خاندان مستفید ہوئے۔
اجلاس کی صدارت الخدمت فاؤنڈیشن کے مرکزی صدر محمد عبد الشکورنے کی۔ان کے علاوہ سینئر نائب صدر سید احسان اللہ وقاص، سیکرٹری جنرل ڈاکٹر محمد مشتاق مانگٹ، اسسٹنٹ سیکرٹری جنرل احمد جمیل راشد، ایگزیکٹو ڈائریکٹر شاہد اقبال،ریجنل صدور، سیکرٹریز اور نیشنل ڈائریکٹرز سمیت بڑے شہروں کے صدور بھی شریک ہوئے۔
سینیٹ، مقبوضہ کشمیر میں بھارتی جارحیت کے خلاف قرارداد مذمت منظور
بلدیہ کورنگی کے تحت ملیر ماڈل ،شاہ فیصل، کورنگی اور لانڈھی میں یکجہتی کشمیر ریلی کا انعقاد
