راولپنڈی (جیوڈیسک) چیف جسٹس لاہور ہائی کورٹ منظور احمد ملک نے فوجی افسران و اہلکاروں کے کورٹ مارشل سمیت مختلف امور پر ہائی کورٹ میں دائر فوجی افسران کی 87 پٹیشنیں واپس ہائیکورٹ راولپنڈی بینچ بھیج دی ہیں۔
لاہور میں ان پٹیشنوں کی سماعت کے لیے بنایا گیا 3 رکنی بینچ بھی توڑ دیا گیا ہے۔ راولپنڈی بینچ کے سینئر جج جسٹس محمود مقبول باجوہ فوجی افسران و اہلکاروں کی ان پٹیشنوں کی سماعت کریں گے۔
صدر ہائی کورٹ بار راولپنڈی شیخ محمد سلیمان اور ان پٹیشنوں کو دائر کرنے والے سینئر وکیل کرنل(ر) انعام الرحیم ایڈووکیٹ نے بتایا ہے کہ آج پیر18مئی سے شروع ہونے والے عدالتی ہفتے سے یہ تمام پٹیشنیں راولپنڈی بینچ میں ہی سنی جائیں گی۔
سرائے عالمگیر: کار نہر میں گرنے سے ایک ہی خاندان کے پانچ افراد جاں بحق
آصف زرداری کا صدر مرسی کی سزائے موت کے فیصلے پر تشویش کا اظہار
