اسپینش فٹبال لیگ : سیویا نے اسپانیول کو 0-2 سے شکست دے دی

Posted on September 26, 2021 By Majid Khan کھیل

Spanish Football League

میڈرڈ (اصل میڈیا ڈیسک) اسپینش فٹبال لیگ لالیگا میں ویلنشیا اور ایتھلیٹک کلب کے درمیان میچ ایک۔ ایک گول سے برابر ہو گیا۔

پہلے ہاف میں کسی بھی ٹیم کو کامیابی حاصل نہیں ہوئی،میچ کے دونوں گولز دوسرے ہاف میں ہوئے اور ایتھلیٹک کلب کے اینیگو مارٹینز نے 69 ویں منٹ میں اپنی ٹیم کو برتری دلادی۔

تاہم کھیل کے آخری لمحات میں ویلنشیا کے مارکوس اینڈرے نےگول کرکے مقابلہ ایک۔ ایک سے برابر کر دیا۔

آج ہونے والے اسپینش فٹبال لیگ کے دوسرے میچ میں الاویز نے ایٹلیٹیکو میڈرڈ کو 0-1 سے شکست دے دی، میچ کا واحد گول الاویز کے وکٹور لاورویا نے کیا۔

آج ہونے والے تیسرے میچ میں سیویا نے اسپانیول کو 0-2 سے شکست دی، سیویا کے یوسف النصری نے 13 ویں منٹ میں گول کیا،دوسرا گول سیویا کے رافا میر نےمیچ کے 87 ویں منٹ میں گول کیا۔

ٹاپ ٹیم ریال میڈرڈ اور ویاریال رات 12 بجے آمنے سامنے ہوں گی۔

خیال رہے کہ ویا ریال اس وقت یورپا چیمپئن ہے، اس نے فائنل میں انگلش کلب مانچسٹر یونائیٹڈ کو شکست دی تھی۔

ویا ریال صرف 50 ہزار افراد پر مشتمل ایک چھوٹا سا قصبہ ہے جس کا مقابلہ لیگ کے سب سے بڑے کلب سے ہونے جارہا ہے۔

لا لیگا کے ایکشن سے بھرپور میچز جیو سوپر پر براہ راست دکھائے جارہے ہیں۔