اسلام آباد (جیوڈیسک) اسپیکر سندھ اسمبلی آغا سراج درانی اور دیگر ملزمان کی درخواست ضمانت کی سماعت کرنے والا دوسرا بینچ بھی ٹوٹ گیا۔
سندھ ہائیکورٹ کے بینچ میں شامل جسٹس محمد سلیم جیسر نے کرپشن کیس میں آغا سراج درانی اور دیگر کی درخواست ضمانت پر سماعت سے انکار کردیا اور نیا بینچ تشکیل دینے کے لیے معاملہ چیف جسٹس کو بھجوا دیا گیا۔
اس سے پہلے جسٹس کے کے آغا نے بھی آغا سراج کی درخواست ضمانت کی سماعت سے انکار کردیا تھا۔
یاد رہے کہ آغا سراج درانی کرپشن کیس میں جیل میں ہیں جب کہ ملزم مسیح الدین، گلزار اور د دیگر نے عبوری ضمانت حاصل کر رکھی ہے۔
ملزمان پر آمدن سے زائد اثاثے بنانے کا ریفرنس احتساب عدالت میں زیر سماعت ہے۔
پاکستان اور ورلڈ بینک میں 91 کروڑ 80 لاکھ ڈالرز قرض کا معاہدہ طے پاگیا
جعلی اکاؤنٹس کے ذریعے ٹرانزیکشنز کرنا بڑا جرم ہے: چیف جسٹس پاکستان
