کراچی (جیوڈیسک) سندھ ہائی کورٹ نے ایس ایس پی چوہدری اسد کو اپنے ہی خلاف اغواء کا مقدمہ آج ہی درج کرنیکا حکم دیدیا۔
کراچی کے علاقے پیر آباد کے رہائشی حیدر علی کے اغواء کے مقدمہ کی گزشتہ سماعت پر عدالت نے حکم دیا تھا کہ ایس ایس پی چوہدری اسد، ایس ایچ اوپیر آباد معیدخان، پولیس اہلکار محبوب کلہوڑو، طاہر اور سلطان کے خلاف اغواء کا مقدمہ درج کیا جائے، درخواست گزار نے موقف اختیار کیا تھا کہ حیدر علی کو تھانا پیر آباد کی پولیس موبائل نمبر ایس پی 7062 میں اہلکاروں نے اٹھایا اور غائب کردیا۔
عدالتی حکم کے باوجود پولیس اہل کاروں کے خلاف مقدمہ درج نہیں کیا گیا۔ عدالت میں طلب کرنے پر چوہدری اسد نے آج ہی مقدمہ درج کرنے کی یقین دہانی کرائی جس پر سماعت 27 جنوری تک ملتوی کردی گئی۔
پاکستان نے مشروط امریکی تعاون قبول کر نے سے انکار
کراچی : فائرنگ سے دو پولیو ورکر جاں بحق، سندھ میں مہم منسوخ، پنجگور میں بھی ٹیم پر حملہ
