کراچی (اصل میڈیا ڈیسک) دنیا بھر کی طرح پاکستان اسٹاک ایکسچینج میں بھی رواں کاروباری ہفتے مندی کا رجحان رہا اور سرمایہ کاروں کے 360 ارب روپے سے زائد ڈوب گئے۔
ایکسپریس نیوز کے مطابق کورونا وائرس اور تیل کی قیمتوں میں ریکارڈ کمی نے جہاں دنیا بھر کی اسٹاک ایکسچینج کا بھٹہ بٹھایا وہیں اس کے اثرات پاکستان اسٹاک ایکسچینج پر بھی پڑے۔
9 سے 13 مارچ کے کاروباری ہفتے کے دوران ہنڈریڈ انڈیکس میں مجموعی طور پر 2 ہزار 158 پوائنٹس کی کمی دیکھی گئی اور کاروباری ہفتے کے اختتام پر انڈیکس 36 ہزار 60 کی سطح پر بند ہوا۔ ہفتے بھر میں مختلف کمپنیوں کے ایک ارب 32 کروڑ شیئرز کے سودے ہوئے جن کی مجموعی مالیت 63 ارب روپے سے زائد رہی اور سرمایہ کاروں کو مجموعی طور پر 360 ارب روپے کا نقصان ہوا۔
واضح رہے کہ رواں ہفتے پاکستان اسٹاک ایکسچینج 2 مرتبہ کریش ہوئی اور کاروباری سرگرمیوں کو کچھ وقت کے لیے معطل کیا گیا۔
راشد منہاس روڈ پر موجود عسکری فلاء اوور کو میجر عدیل شاہد کے نام سے منسوب کر دیا گیا
اداکار اور اداکارہ دونوں کو ایک جیسا معاوضہ ملنا چاہیئے، مہوش حیات
