ریو ڈی جنیریو (جیوڈیسک) پاکستان نے امریکا کو شکست دے کر اسٹریٹ چائلڈ ورلڈ کپ میں تیسری پوزیشن حاصل کرلی۔ ریو ڈی جنیرو میں تیسری پوزیشن کے لئے کھیلے جا نیوالے میچ میں دونوں ٹیموں کے درمیان سنسنی خیز مقابلہ ہوا اور فیصلہ پینالٹی ککس پر ہوا۔
پاکستان نے پہلے ہاف کے ابتدائی لمحات میں گول کرکے برتری حاصل کرلی لیکن امریکا نے جلد ہی مقابلہ برابر کردیا۔ پہلا ہاف ختم ہونے سے قبل پاکستان نے ایک اور گول کرکے دو۔
ایک کی برتری حاصل کرلی، دوسرے ہاف میں امریکا نے ایک اور گول کرکے مقابلہ دو، دو سے برابر کردیا۔ اضافی وقت میں کوئی بھی ٹیم گول نہ کرسکی جس کے بعد پنالٹی پر پاکستان نے تینوں مرتبہ گیند جال میں پھینکیں جبکہ امریکی کھلاڑیوں نے صرف دو گول کئے۔ یوں پنالٹی ککس پر پاکستان نے میچ تین کے مقابلے میں دو گول سے میچ جیت لیا۔
پلان کے مطابق کھیلے اور ایونٹ جیتنے میں کامیاب ہوئے، مالنگا
پاکستان کی فلپائن کیخلاف 40 سال بعد فتح
