طلبہ کے لیے صحت مندانہ سرگرمیوں کا انعقاد انتہائی خوش آئیند

Posted on December 10, 2013 By Majid Khan لاہور

لاہور : اسلامی جمعیت طلبہ نیو سٹی کے زیر اہتمام منصورہ ڈگری کالج میں دو روزہ بیڈمنٹن ٹورنامنٹ کا انعقاد کیا گیا۔ٹورنامنٹ میں 50سے زائد ٹیموں نے حصہ لیا ۔ٹورنارمنٹ کی اختتامی تقریب کے مہمان خصوصی ممبر پنجاب اسمبلی ڈاکٹر سید وسیم اختر اور ناظم اسلامی جمعیت طلبہ لاہور مدثراحمد شاہ تھے ۔طلبہ سے خطاب کرتے ہوئے ممبر پنجاب اسمبلی ڈاکٹر سید وسیم اختر نے کہا کہ طلبہ کے لئے صحتمندانہ سرگرمیوں کا انعقاد انتہائی خوش آئند ہے اسلامی جمعیت طلبہ کے کارکنا ن مبارکباد کے کے مستحق ہیں کہ انہوں نے وسائل کے بغیر طلبہ کے لئے ایسی سرگرمی کا نعقاد کیا۔

ناظم اسلامی جمعیت طلبہ لاہور نے اپنے خطاب میں کہا کہ اسلامی جمعیت طلبہ روایات کی امین ہے اور طلبہ کے لئے نصابی سرگرمیوں کے انعقاد کے ساتھ ساتھ غیر نصابی سرگرمیوںکا انعقاد اسلامی جمعیت طلبہ کی شاندار روایت ہے حکومت کو چاہیے کہ طلبہ کے لئے تفریحی سرگرمیوں کے انعقاد کو یقینی بنائے تاکہ صحتمند معاشرہ پروان چڑھ سکے۔ اختتامی تقریب میں طلبہ کی بڑی تعدادنے شرکت کی۔ٹورنامنٹ جیتنے والی ٹیم کو دس ہزار روپے نقد انعام اورخصوصی ٹرافی دی گئی ۔جبکہ ٹورنامنٹ میں حصہ لینے والی ٹیموں کو بھی انعامات دئے گئے ۔اس موقع پر طلبہ انتہائی پرجوش دکھائی دیے اور انہوں نے اسلامی جمعیت طلبہ کی جانب سے ٹورنامنٹ کے انعقاد کو سراہا۔

by Majid Khan

Nasir Mehmood - Chief Editor at GeoURDU.com

لاہور میں غیرت کے نام پر بیٹی کو قتل کر کے باپ نے بھی خودکشی کر لی خدمت انسانی ہی اصل عبادت ہے،طاقت کے نشے میں چور لوگ انسانی حقوق پامال کر رہے ہیں : مرزا خالد