اسلام آباد (جیوڈیسک) پاکستان شوگر ملز ایسوسی ایشن نے حکومت سے مزید 5 لاکھ ٹن چینی ایکسپورٹ کرنے کی اجازت مانگ لی۔ایسوسی ایشن کا کہناہے کہ شوگر ملز نے کسانوں کو اربوں روپے کے واجبات ادا کرنے ہیں جس کے لیے برآمد کی اجازت ملنا ضروری ہے۔
وفاقی وزیر تجارت خرم دستگیر اور شوگر ملز ایسوسی ایشن کے نمائندوں کا اجلاس اسلام آباد میں ہوا۔ اجلاس میں ایسویشن نے موقف اختیار کیا کہ اس وقت شوگر ملوں کے پاس 30 لاکھ ٹن سے زائد چینی موجود ہیں، حکومت مزید پانچ لاکھ ٹن چینی کو برآمد کرنے کی اجازت دے، تاکہ شوگر ملز مالکان گنے کے کسانوں کے 15 ارب روپے کے بقاجات ادا کر سکیں۔
شوگر ملز ایسویشن نے حکومت سے چینی کی برآمد پر سبسڈی بھی بحال کرنے کا مطالبہ کیا۔ وفاقی وزیر تجارت نے شوگر ملز ایسویشن سے چینی کی فی کلو پیداواری لاگت کی تفصیلات طلب کر لی ہیں۔
پیمرا پرائیویٹ ارکان کو شوکاز نوٹس، اسلام آباد ہائیکورٹ نے تفصیلی فیصلہ جاری کر دیا
پی ٹی سی ایل کے لئے کسٹمرز سروس ایپر ی سیشن ایوارڈ
