کراچی : ممتاز عالم دین حضرت علامہ سلیم نقشبندی نے کہا ہے کہ غازی ممتاز قادری فقط ایک شخصیت نہیں بلکہ ایک سوچ اور تحریک بن چکے ہیں، ہمیں غازی صاحب نے جنت کا آسان راستہ سمجھادیا ہے کہ اگر کہیں بھی کوئی گستاخی رسول کرے تو اسے واصل جہنم کردو اور اللہ عزوجل ہمیں اس کے عیوض درجات عطا فرمائے گا، اگر قانون کی پاسداری کی بات کی جائے تو اس وقت پاکستان کی جیل میں پندرہ سے زائد ایسے مجرم قید ہیں جن پر گستاخی رسول ثابت ہوچکی ہے اور حد جرم لگ چکی ہے، وہ سزا یافتہ ہیں مگر حکومت انہیں پھانسی پر لٹکانے سے قاصر ہے۔
تو اس کا یہی مطلب ہے کہ اگر کوئی شخص گستاخی کرتا ہے تو اس پر قانون کی بالادستی قائم نہیں رہتی ہے، ایسی صورت میں عوام میں سے ہر شخص کو یہ حق حا صل ہے کہ وہ گستاخ رسول کو واصل جہنم کردے جو اس بات کا حق ہے، شاہ فیصل ٹائو ن کے علاقے باغ ملیر میں انجمن طلبہ اسلام اور تحریک لبیک یا رسول اللہ کے مشترکہ پلیٹ فارم سے منعقدہ لبیک یا رسول اللہ کانفرنس سے خطاب کرتے ہوئے ممتاز عالم دین حضرت علامہ سلیم نقشبندی نے کہا ہے کہ حرمین پاک میں لگنے والے نواز مخالف نعرے اس بات کا ثبوت ہیں کہ نواز شریف اللہ کی بارگاہ میں بھی نا پسند قرار دئے جا چکے ہیں۔
اس موقع پر شرکاء کانفرنس سے خطاب کرتے ہوئے انجمن طلبہ اسلام ضلع کورنگی کے ناظم علامہ حافظ عمران مدنی نے کہا کہ اہل سنت نے ہمیشہ پاک فوج کی حمایت کی اور فوج کے ساتھ کھڑی رہی، غازی کی المناک شہادت میں فوج و عدلیہ برابر کے قصوروار اور عین قاتل ہیں،اٹک شہر میں انجمن طلبہ اسلام صوبہ پنجاب کے ناظم ضیاء الرحمن نورانی ماوائے قانون گرفتاری اور ان پر دہشت گردی کا مقدمہ درج کرنے کی شدید مذمت کرتے ہیں، اہل سنت و جماعت کا اداروں ، فوج اور عدلیہ سے اعتماد اٹھ چکا ہے، اب ہم نظام مصطفیۖ کے نفاذ کے لئے اپنی جدوجہد تیز کرینگے اور کسی بھی قسم کے جھانسے میں نہیں آئینگے، اس موقع پر شرکاء کانفرنس سے خطاب کرتے ہوئے انجمن طلبہ اسلام شاہ فیصل ٹائون کے ناظم سید صہیب قادری نے کہا کہ آئی ایم ممتاز قادری تحریک کا ایجنڈہ مسلم لیگ، پیپلز پارٹی، ایم کیو ایم اور تحریک انصاف مخالف ووٹ بینک تیار کرنا ہے، انجمن طلبہ اسلام اور تحریک لبیک یا رسول اللہۖ درگاہ عالم شاہ بخاری سے پریس کلب تک ہونے والی بیس مارچ کی ریلی میں بھرپور شرکت کرے گی۔
نقل ایک ناسور ہے جو معاشرے کو دیمک کی طرح چاٹ رہا ہے، شوکت ترین
سانحہ یوحنا آباد میں زندہ جلائے جانے والے محمد نعیم کی پہلی برسی 17 مارچ کو منائی جائے گی
