لاہور (جیوڈیسک) گزشتہ روز اس سلسلہ میں لاہور، کراچی، راولپنڈی اور فیصل آباد سمیت مختلف شہروں میں احتجاجی ریلیاں، جلسے اور جلوس منعقد کئے گئے۔ چیئرمین سنی اتحاد کونسل صاحبزادہ حامد رضا نے فیصل آباد میں احتجاجی جلسے سے خطاب کرتے ہوئے کہا کہ 11 مئی 2013 کو الیکشن نہیں سلیکشن ہوئی تھی۔
موجودہ حکمران ووٹوں سے نہیں نوٹوں سے جیتے۔ حکمرانوں نے اپنی روش تبدیل نہ کی تو بہت جلد گو نواز گو تحریک شروع ہو سکتی ہے۔ عوامی مینڈیٹ چوری کرنے والے قومی مجرم ہیں۔ دھاندلی میں ملوث تمام کرداروں کو عبرت کا نشان بنانا ہو گا، 35 پنکچروں والی جمہوریت جعلی اور فراڈ ہے۔
تحریک انصاف کا جلسہ ناکام ہو گیا، پرویز رشید
عمران خان بری طرح مایوسی کا شکار ہیں: رانا مشہود احمد
