اسلام آباد (جیوڈیسک) سپریم کورٹ نے لاہور ہائی کورٹ کا فیصلہ معطل قرار دیتے ہوئے ضمنی انتخاب میں الیکشن کمیشن کا جاری کردہ ضابطہ اخلاق بحال کر دیا۔
جسٹس میاں ثاقب نثار کی سربراہی میں سپریم کورٹ کے 3 رکنی بینچ نے ضمنی انتخاب میں الیکشن کمیشن کا جاری کردہ ضابطہ اخلاق کی بحالی کے لئے دائر درخواست کی سماعت کی۔
سماعت کے دوران درخواست گزار نے اپنے دلائل میں کہا کہ ضمنی انتخاب کے دوران وزیروں کی دوڑیں لگ جاتی ہیں اور اربوں روپے کے ترقیاتی ترقیاتی پیکیج سے انتخابی نتائج متاثر ہوتے ہیں، جسے روکنے کے لئے الیکشن کمیشن نے آرٹیکل 18کی روشنی میں ضابطہ اخلاق تیار کیا۔
سپریم کورٹ نے لاہور ہائی کورٹ کا فیصلہ معطل کرتے ہوئے درخواست کی سماعت غیر معینہ مدت کیلئے ملتوی کر دی۔ واضح رہے کہ الیکشن کمیشن کا ضابطہ اخلاق بحال ہونے سے وفاقی اور صوبائی وزیر انتخابی حلقوں میں نہیں جا سکیں گے۔
کالعدم بلوچستان لبریشن فرنٹ کا سربراہ ڈاکٹر اللہ نذر آپریشن میں مارا گیا، سرفراز بگٹی
بھارت خوش فہمی میں نہ رہے، ایڈونچر کی کوشش کی تو منہ توڑ جواب دیں گے، سرتاج عزیز
