اسلام آ باد (جیوڈیسک) سپریم کورٹ نے الیکشن ٹریبونل کی جانب جھنگ سے قومی اسمبلی کے حلقہ این اے 89 سے ااہل سنت والجماعت کے رہنما مولانا محمد احمد لدھیانوی کی کامیابی کا نوٹی فکیشن معطل کر دیا ہے۔ پاکستان مسلم لیگ کے رہنما شیخ محمد اکرم نے الیکشن ٹریبونل کے فیصلے کے خلاف سپریم کورٹ میں درخواست دائر کی تھی کہ ٹریبونل نے بغیر کوئی وجہ بتائے مولانا محمد احمد لدھیانوی کو فاتح قرار دے دیا تھا۔
سپریم کورٹ کے جسٹس ظہیر انور جمالی کی سربراہی میں 3 رکنی بنچ نے کیس کی سماعت کی اور الیکشن ٹریبونل کے جج جاوید یوسف کی جانب سے اہل سنت والجماعت کے رہنما کی کامیابی اور الیکشن ٹریبونل کے نوٹی فکیشن کو معطل کر دیا ہے۔ سپریم کورٹ کا کہنا تھا کہ الیکشن ٹریبونل نے ووٹوں کی گنتی کے حوالے سے زمینی حقائق کو نظر انداز کرتے ہوئے یہ فیصلہ دیا تھا۔ سپریم کورٹ نے الیکشن کمیشن کو حکم دیا ہے کہ وہ دوبارہ سے 3 ماہ کے اندر ووٹوں کی گنتی کے معاملے کا جائزہ لیں۔
حکومت مذاکرات اور دہشت گرد حملے کر رہے ہیں، الطاف حسین
لاہور: میٹرو بس ٹریک پر بجری کا ٹرک الٹ گیا، بس سروس بلاک
