اقوام متحدہ اقوام متحدہ کی سلامتی کونسل نے شام کے کیمیائی ہتھیار تلف کرنے سے متعلق قرار داد متفقہ طور پر منظور کرلی ہے۔ سلامتی کونسل میں رائے شماری کے دوران تمام پندرہ ارکان نے قرار داد کے حق میں ووٹ دیئے۔ مارچ 2011 میں شام کا تنازع شروع ہونے کے بعد منظور کی گئی یہ پہلی قرار داد ہے۔
جس کے تحت آئندہ سال جون تک شام کے ایک ہزار ٹن کیمیائی ہتھیار تلف کئے جائیں گے۔ کیمیائی ہتھیاروں کی روک تھام کے عالمی ادارے او پی سی ڈبلیو کے ترجمان کا کہنا ہے کہ ادارے کی ایڈوانس ٹیم آئندہ ہفتے شام پہنچ جائے گی۔
قرارداد میں کہا گیا ہے کہ اگر شام نے قرارداد پر عمل نہ کیا تو اس کے خلاف اقوام متحدہ کے منشور میں درج چیپٹر سات کے تحت اقدامات کئے جائیں گے۔ تاہم اس کے لئے سلامتی کونسل میں ایک اور قرار داد کی منظوری ضروری ہوگی۔ چیپٹر سات فوجی اور غیر فوجی کارروائی کی اجازت دیتا ہے۔
ملالہ کے لئے ہارورڈ یونی ورسٹی کی جانب سے ایوارڈ
امریکی وزیر خارجہ کی اپنے ایرانی ہم منصب سے اہم ملاقات
