ڈاکٹر طاہر القادری آج برطانیہ سے وطن واپس پہنچیں گے

Posted on June 15, 2016 By Mohammad Waseem لاہور, مقامی خبریں

Tahir ul Qadri

لاہور (جیوڈیسک) ڈاکٹر طاہر القادری براستہ دوحہ لندن سے صبح آٹھ بجے لاہور پہنچیں گے۔ عوامی تحریک کے ترجمان کے مطابق لاہور ایئر پورٹ پر کارکنوں کی بڑی تعداد ان کا استقبال کرے گی۔

ڈاکٹر طاہر القادری ایئر پورٹ پر میڈیا سے گفتگو بھی کریں گے۔ جس کے بعد انہیں جلوس کی شکل میں ان کی رہائش گاہ پہنچایا جائے گا۔

طاہر القادری نے سترہ جون کو لاہور کے مال روڈ پر سانحہ ماڈل ٹاؤن کے دو سال مکمل ہونے پر دھرنے کا اعلان بھی کر رکھا ہے۔

عوامی مسلم لیگ کے سربراہ شیخ رشید احمد بھی طاہر القادری سے ملاقات کریں گے۔