اسلام آباد (جیوڈیسک) حکومت کا کہنا ہے کہ قانونی تقاضے پورے کرنے کو تیار ہیں لیکن کوئی دبائو قبول نہیں کرینگے۔ ڈیڈ لائن میں چند گھنٹوں کی توسیع کیلئے طاہر القادری کی شرائط نہیں مانی جا سکتیں۔
حکومت نے طاہر القادری کی شرائط غیر حقیقت پسندانہ قرار دیتے ہوئے مسترد کر دیں۔
حکومت کا کہنا ہے کہ طاہر القادری کی یہ شرائط تو صرف دو گھنٹے کی ایکسٹینشن کے لئے ہیں، باقی ایجنڈا بعد میں بیان کریں گے۔ طاہر القادری حکومت تسلیم کرتے ہیں نہ پارلیمنٹ اور یہی ان کا اصل ایجنڈا ہے۔
حکومتی ذرائع کا کہنا ہے کہ حکومت سانحہ لاہور کی تحقیقات اور عدالتی حکم پر عملدرآمد کرے گی لیکن اس کے لئے دبائو برداشت نہیں کیا جائے گا۔
کیا ایک غیر منتخب شخص کے دبائو پر منتخب حکومت کے ذمہ داروں اور پارلیمنٹ کو تحلیل کر دیا جائے۔ قانونی تقاضے پورے کرنے کے لئے تیار ہیں لیکن کوئی فیصلہ دبائو کے تحت نہیں ہوگا۔
طاہر القادری نے حکومت کو مطالبات کی 2 شرائط کی فوری منظوری کیلئے ساڑھے 9 بجے تک کا وقت دے دیا
چوہدری محمد سرور گورنر ہاؤس سندھ میں عشرت العباد سے ملاقات کر رہے ہیں
