تلہ گنگ کی خبریں 17.09.2013
Posted on September 17, 2013 By Geo Urdu سٹی نیوز
تلہ گنگ کے موضع تھوہا محرم خان میں حساس ادارے کے ملازم نے زہریلی گولیاں کھا کر خود کشی کر لی
تلہ گنگ (تحصیل رپورٹر ) تلہ گنگ کے موضع تھوہا محرم خان میں حساس ادارے کے ملازم نے زہریلی گولیاں کھا کر خود کشی کر لی۔ تفصیلات کے مطابق محمد نثار ولد محمد نواز ساکن ڈھوک جابہ داخلی تھوہا محرم خان جو کہ حساس ادارے میں ملازم تھا اور گھر چھٹی پر آیا ہوا تھا کہ نامعلوم وجوہ پر زہریلی گولیاں کھا کر خود کشی کر لی۔ متوفی کا پوسٹ مارٹم کرنے کے بعد اُس کو اپسکے آبائی قبرستان میں سپردخاک کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ میں پانچ سال قبل کروڑوں روپے کی لاگت سے تعمیر ہونے والا جوڈیشل کمپلیکس حکام کی عدم دلچسپی کے باعث کھنڈرات میں تبدیل ہونے کا خدشہ
تلہ گنگ (تحصیل رپورٹر ) تلہ گنگ میں پانچ سال قبل کروڑوں روپے کی لاگت سے تعمیر ہونے والا جوڈیشل کمپلیکس حکام کی عدم دلچسپی کے باعث کھنڈرات میں تبدیل ہونے کا خدشہ، چیف جسٹس لاہور ہائی کورٹ سے ایکشن لینے کا مطالبہ ۔تفصیلات کے مطابق 2008ء میں کروڑوں روپے کی لاگت سے تلہ گنگ شہر میں نئے جوڈیشل کمپلیکس مکمل کیا گیا۔ اس جوڈیشل کمپلیکس میں ججز کی عدالتیں اُنکی رہائش گاہیں، سٹاف کی رہائش گاہیں، جوڈیشل لاک اپ ،مسجد سمیت دیگر سہولیات موجود ہیں ۔تاہم اس جوڈیشل کمپلیکس کو مکمل ہوئے پانچ سال بیت گئے لیکن ابھی تک اس جوڈیشل کمپلیکس کو فنگشنل نہیں کیا گیا۔ جس کے باعث جوڈیشل کمپلیکس کے کھنڈرات میں تبدیل ہونے کا خدشہ ہے ۔جبکہ موجودہ کمپلیکس میں ججز کی رہائشیں نہ ہونے کے باعث ان معزز ججز صاحبان اور سٹاف کو سخت مشکلات کا سامنا ہے۔ عوامی و سماجی حلقوں نے چیف جسٹس لاہور ہائی کورٹ سے ایکشن لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں نواز شریف کی سیاسی بصیرت نے اختلافات رکھنے کے باوجود تمام سیاسی جماعتوں کو متحد کردیا ہے
تلہ گنگ (ملک ارشد کوٹگلہ ) میاں نواز شریف کی سیاسی بصیرت نے اختلافات رکھنے کے باوجود تمام سیاسی جماعتوں کو متحد کردیا ہے آل پارٹیز کانفرنس کی کامیابی سے ملک دشمن عناصرکو اپنی موت نظر آنے لگی ہے بہت جلد دہشت گردی کا جن بوتل میں بند ہو جائے گا۔ ان خیالات کا اظہار ایم این اے سردار ممتاز ٹمن، سابق صوبائی وزیر ملک سیلم اقبال، ایم پی ایز سردار ذوالفقار دلہہ اور ملک ظہور انور اعوان نے کیا۔ ایم این اے سردار ممتاز ٹمن اور ملک سیلم اقبال کا کہنا تھا کہ مسلم لیگ ن نے ااے پی سی بلاکر ثابت کر دیا ہے کہ وہ کسی بھی جماعت کے خلاف منفی سیاسی عزائم نہیں رکھتی اور نہ ہی کسی سیاسی جماعت کے کسی ایک کارکن کے خلاف انتقامی کاروائی کرنے کا ارادہ رکھتی ہے انہوں نے کہا کہ تمام جماعتوں نے ملکی مفاد اور قوم کے وقار کی خاطر جو کردار ادا کیا ہے وہ سنہری حروف میں لکھنے کے قابل ہے یہ میاں نواز شریف کی ہی سیاسی بصیرت ہے کہ اختلافات ہونے کے باوجود تمام سیاسی جماعتیں ایک پلیٹ فارم پر جمع تھی۔ ایم پی ایز سردار ذوالفقار دلہہ اور ملک ظہور انور اعوان نے کہا کہ ملکی سیاسی جماعتوں نے جس اتحاد اور اتفاق کا مظاہرہ کیا ہے اسے دیکھتے ہوئے ملک دشمن عناصر کو اپنی موت نظر آرہی ہے یہ عناصر اپنے ناپاک عزائم میں کبھی بھی کامیاب نہیں ہونگے اور حکومت تمام سیاسی جماعتوں کے تعاون سے بہت جلد دہشت گردی کے جن کو بوتل میں بند کرنے میں کامیاب ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5 سالہ سنبل کے ساتھ زیادتی نے زمانہ جاہلیت کی یاد تازہ کر دی ہے
تلہ گنگ (تحصیل رپورٹر )5 سالہ سنبل کے ساتھ زیادتی نے زمانہ جاہلیت کی یاد تازہ کر دی ہے ،ظلم و بربریت کا بازار گرم کرنے والے کسی رعائیت کے مستحق نہیں ہیں۔ راجہ مشتاق ایڈووکیٹ پیپلز پارٹی، ڈاکٹر علی حسنین نقوی پی پی پی، عالم خان کھر یال، ملک فیروز دودیال، فاروق اعوان، محمد عمران دندی، ملک ارشد کو ٹگلہ سمیت اور دیگر سماجی و مذہبی رہنماؤں نے لاہور میں 5 سالہ معصوم سنبل کے ساتھ زیادتی کے واقعہ کی شدید الفاظ میں مذمت کرتے ہو ئے پنجاب حکومت سے مطالبہ کیا ہے کہ زمانہ جاہلیت کی یاد تازہ کرنے والے اس واقعہ کے ذمہ دران کے خلاف سخت کاروائی کی جائے اور انہیں نشانہ عبرت بنایا جائے تاکہ آئندہ کسی کو ایسا کرنے کے لئے ہزار بار سوچنا پڑے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عام انتخابات سے لے کر آج تک تلہ گنگ کے ضلع کا درجہ دیئے جانے پر کوئی پیش رفت نہیں ہوئی
تلہ گنگ (تحصیل رپورٹر ) عام انتخابات سے لے کر آج تک تلہ گنگ کے ضلع کا درجہ دیئے جانے پر کوئی پیش رفت نہیں ہوئی ۔ہمارے ممبران اسمبلی مختلف گروپوں میں تقسیم ہو چکے ہیں۔ ان خیالات کا اظہار وقار چوہدری اور شہزاد الفت نے کیا۔ ان نے مز
ید کہا کہ میاں نواز شریف نے تلہ گنگ کو ضلع بنانے کا اعلان کیا تھا ابھی تک ضلع کے حوالے سے کوئی پیش رفت نہیں ہوئی ہے۔ ممبر ان اسمبلی کو چاہیے کہ تلہ گنگ کی عوام کے ساتھ یکجا ہو کر تلہ گنگ ضلع بنائو تحریک کو مضبوط کرنا چاہیے۔ صحافی برادری اس میں سبقت لے گئی اور اخباروں میں کا لم نگاروں نے اس بات کو اجاگر کیا ہے کہ تلہ گنگ کے عوام کی بقا اس علاقے کی ترقی ضلع تلہ گنگ بن جانے میں ہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خراب، واپڈا حکام کو بار بار درخواست کے باوجود ٹس سے مس نہیں
تلہ گنگ (تحصیل رپورٹر) تلہ گنگ محلہ غرب کا ٹرانسفارمر تین دن سے خراب، واپڈا حکام کو بار بار درخواست کے باوجود ٹس سے مس نہیں۔ محلہ غرب کے رہا
ئشی سراپا احتجاج۔ تفصیلات کے مطابق تلہ گنگ میانوالی روڈ پر محلہ غرب کا ٹرانسفارمر تین دن سے خراب پڑا ہے اور واپڈا کے افسران کو بار بار درخواست کے باوجود انہوں نے کوئی پیش رفت نہیں کی ہے۔ محلہ کے لوگ کثیر تعداد میں روڈ پر نکل ائے اور واپڈا کے خلاف نعرہ بازی کی اور واپڈا کے اعلی حکام سے پر زور مطالبہ کیا کہ ہمارے حال پر رحم کھائیں اور جلد از جلد ٹرانسفارمر ٹھیک کروا کے نصب کریں۔
