تلہ گنگ کی خبریں 24.08.2013
Posted on August 24, 2013 By Geo Urdu سٹی نیوز
تلہ گنگ میانوالی روڈ پر ٹریلر میں لگنے والی آگ پر فائر بریگیڈ کی بروقت کاروائی سے قابو پا لیا گیا
تلہ گنگ (تحصیل رپو ر ٹر) تلہ گنگ میانوالی روڈ پر ٹریلر میں لگنے والی آگ پر فائر بریگیڈ کی بروقت کاروائی سے قابو پا لیا گیا۔ تفصیلات کے مطابق پشاور سے کراچی جانے والے ٹریلر پر تلہ گنگ کے قریب میانوالی روڈ پر اچانک آگ بھڑک اٹھی۔ وہاں پر موجود لوگوں نے فائر بریگیڈ تلہ گنگ کو اطلاع دی۔ جس پر تلہ گنگ فائر بریگیڈ نے فوری ایکشن کرتے ہوئے۔ موقع پر پہنچ کرآگ پر قابو پا لیا جس کے نتیجے میں لاکھوں روپے مالیت کا سامان اور گاڑی کو بچا لیا گیا۔ عوامی اور سماجی حلقوں نے مقامی فائر بریگیڈ کی کارکردگی کو سراہا ہے۔ اور مطالبہ کیا ہے کہ ہنگامی حالات سے نمٹنے کے لئے 2012 میں منظور کی گئی دوسری فائر بریگیڈکی گاڑی جلد از جلد مہیا کیجائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ (تحصیل رپو ر ٹر) تھانہ صدر تلہ گنگ نے ممدوٹ کے قریب قمار بازی کی بساط الٹ دی۔ تفصیلات کے مطابق تلہ گنگ کے نواحی گائوں ممدوٹ میں بشیر احمد، امیر حسین، غلام رضا، عابد، شاہد عباس، فیاض حسین سکنائے تلہ گنگ جوا کھیلنے میں مصروف تھے کہ تھانہ صدر تلہ گنگ کی پولیس پارٹی نے چھاپہ مار کر ملزمان کو گرفتار کر لیا اورجوئے پر لگائی گئی رقم، موبائل فون اور دوسری اشیاء اپنے قبضے میں لیکر مقدمہ درج کرکے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نواز شریف کے خطاب نے قوم کو مایوسی کے سوا کچھ نہیں دیا بجلی کی لوڈ شیڈنگ ،دہشت گردی اور بے روزگاری کے خاتمے کیلئے کوئی واضح پالیسی نہیں دی
تلہ گنگ (ملک ارشد کو ٹگلہ ) نواز شریف کے خطاب نے قوم کو مایوسی کے سوا کچھ نہیں دیا بجلی کی لوڈ شیڈنگ ،دہشت گردی اور بے روزگاری کے خاتمے کیلئے کوئی واضح پالیسی نہیں دی ان خیالات کا اظہار سردار فیض ٹمن ،سردار منصور حیات ٹمن ،ملک ممتاز حیدر تھوہا محرم خان ،کرنل (ر) سلطان سر خرو ،ڈاکٹر علی حسنین نقوی اور ملک تنویر نے روزنامہ ”نئی بات ” کے سروے میں کیا ۔سردار فیض ،سردار منصور اور ملک ممتاز حیدر کا کہنا تھا کہ مسلم لیگ ن کی حکومت کی 2 ماہ کی کارکردگی انتہائی مایوس کن ہے ٹیکسز ،مہنگائی ،بے روزگاری اور دہشت گردی میں مسلسل اضافہ ہورہا ہے قوم کو امید تھی کہ میاں نواز شریف اپنے خطاب میں دہشت گردی، لوڈ شیڈنگ اور بیروزگاری کے خاتمے کیلئے جامع اور واضح پالیسی دینگے لیکن ان کاخطاب صرف اور صرف ضمنی الیکشن مہم کا حصہ نظر آیا جو انہوں مل گیا۔ ڈاکٹر علی حسنین نقوی کا کہنا تھا کہ میاں نواز شریف کے خطاب سے قوم کو مایوسی ہوئی ہے انہوں نے کہاکہ پیپلزپارٹی کی حکومت پر تنقید کرنے والوں کو بھی آٹے دال کا بھاؤ معلوم ہو اہے حکومت کرنا کسی کے بس کاکام نہ ہے انہوں نے کہا کہ مسلم لیگ کی حکومت 2 ماہ میں ہی عوام سے دو وقت کی روٹی کا نوالہ چھین لیا ہے۔ کر نل (ر) سلطان سرخرو نے کہا کہ اگر 5 سال یہی حال رہا تو پھر ملک اور عوام کا االلہ ہی حافظ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹمن پولیس نے مخبر کی اطلاع پر چھاپہ مار کر منشیات فروش کو گرفتار کر لیا
تلہ گنگ (تحصیل رپو ر ٹر) ٹمن پولیس نے مخبر کی اطلاع پر چھاپہ مار کر منشیات فروش کو گرفتار کر لیا۔ پولیس تھانہ ٹمن نے ملزم نعیم کے قبضہ سے 1کلو 250گرام چرس اور تیس بور پستول برآمد کرکے ملزم کیخلاف مقدمہ درج کر لیا ہے۔ منشیات فروشوں کیخلاف گھیرا تنگ کر دیا گیا۔
