ٹیلنٹ گالا کا مقصد لاہور کے حقیقی ٹیلنٹ کو سامنے لا کر اس کی حوصلہ افزائی کرنا ہے، اسامہ اسد
Posted on October 27, 2013 By Tahir Webmaster لاہور
لاہور : اسلامی جمعیت طلبہ لاہور کے ترجمان اسامہ اسد نے کہا کہ لاہور جمعیت کے زیر اہتمام ٹیلنٹ گالا کا انعقاد ذہین طلبہ کو سامنے لا کر ان کی حوصلہ افزائی کرنا ہے، اسلامی جمعیت طلبہ لاہور کے زیر اہتمام میٹرک، انٹر A/O لیول کے طلبہ کے لئے ٹیلنٹ گالا منگل کو ایوان اقبال میں ہوگا، ان خیالات کا اظہار انہوں نے ٹیلنٹ گالا کمیٹیز کے خصوصی اجلاس میں رپورٹ پیش کرتے ہوئے کیا۔
انہوں نے مزید کہا کہ ہونہار طلبہ میں ڈاکٹر عبد القدیر خان، صوبائی وزیر تعلیم اور دیگر سیاسی، سماجی اور صحافتی شخصیات انعامات تقسیم کریں گی۔ ٹیلنٹ گالا کی تیاریاں عروج پر ہیں سینکڑوں طلبہ اور طالبات نے آن لائن رجسڑیشن کروا ئی ہے جب کہ دفتر میں بھی بڑے پیمانے پر رجسٹریشن کروائی جارہی ہے۔
لاہور: شادی کی تقریب پر فائرنگ، ایک شخص جاں بحق
پنجاب : مزید 33 افراد ڈینگی کا شکار،مجموعی تعداد 718 ہو گئی
