تلہار (نمائندہ) تلہار میںبلدیاتی انتخابات کی مہم کا گرم جوشی سے آغاز ہوگیا گذشتہ روز وارڈ نمبر دو سے مرزا گروپ کے امیدوار محمد ایوب کنبھار نے اپنی برادری کیساتھ کارنر میٹنگ کی اس موقع پر تمام برادری نے ان کی بھرپور حمایت کرنے اور دیگر برادریوں کو بھی ووٹ دینے کیلئے راضی کرنے کا اعلان کیا اس موقع پر ٹائون کمیٹی تلہار کے امیدوار محمد ایوب نے خطاب کرتے کہا کہ نا انصافی، بدمعاشی، کرپشن، تعلیم، پانی اور صفائی ستھرائی کے نظام کی بہتری کیلئے عوام کو بیدار ہونا ہوگا یے ہی وقت ہے فیصلے کا انہوں نے کہا کہ میں نے اقتدار کی خاطر نہیں بلکہ عوام کے حقوق کیلئے انتخابات میں حصہ لیا ہے انشاء اللہ کامیاب ہوکر عوام کی دلی خدمت جاری رکھیں گے دوسری جانب مرزا گروپ کے وارڈ نمبر 10کے امیدوار وحید سومرو نے بھی انتخابی مہم کے سلسلے میں آفیس کا افتتاح کیا جس میں ماما نواز علی جتوئی، کوثر زیدی سمیت دیگر امیدواروں نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تلہار(نمائندہ) تلہار کے قریب شاھ طریل روڈ پر موٹر سائیکل میں تولیہ پھنسنے سے 40سالہ راضو عمرانی گر کر جانبحق ہوگیا متوفی گائوں متارو عمرانی کا رہائشی تھا جس کی نعش گھر پہنچنے پر کہرام برپا ہوگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تلہار (نمائندہ) سندھ گریجوئیٹ ایسوسیئشن (سگا) تلہار کے انتخابات چیئرمین الیکشن کامیٹی دھنی بخش لاشاری کی سربراہی میں کئے گئے جس میں سال 2015-18کیلئے گھنور خان لاشاری صدر منتخب ہوگئے جبکہ نائب صدر حاجی احسان علی تالپور،جنرل سیکریٹری الھڈنو سموں ، جوائنٹ سیکریٹری عنایت اللہ شاھ، مالیاتی سیکریٹری نارومل، اطلاعات سیکریٹری اکرم علی چانگ کامیاب ہوئے اور کاروباری کمیٹی کے ممبران میں ڈاکٹر محمود میمن، عبدلقیوم چانگ،عبدالخالق حبیبانی، چھٹو خان دلوانی،منیر چانگ، اسد علی خواجہ ،شفیع محمد تالپور،لکھاڈنو میمن، محمد بخش میمن منتخب کئے گئے اس موقع پر گھنور خان لاشاری نے خطاب کرتے کہا کہ ہماری تنظیم عوام کیلئے صحت، تعلیم و دیگر سہولیات کیلئے ہمیشہ کوشاں رہے گی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تلہار(نمائندہ) تلہار شہر کے وارڈ نمبر پانچ کچھی ، جت، کنبھارمحلوں سمیت دیگر علائقوں میں گذشتہ دو روز سے پانی کی فراہمی معطل ہے جس کی وجہ سے شہری دور دراز خالی برتن اٹھائے پانی کی تلاش میں بھٹکنے پر مجبور ہیں شہریوں نے بالا حکام سے پرزور مطالبہ کیا کہ فی الفور واٹر سپلائی کی فراہمی بحال کرکے پریشانیوں سے بچایا جائے۔
مرحوم ڈاکٹر شیر علی شاہ کی دینی اور ملی خدمات کو خراج تحسین پیش کرتے ہیں۔ صدیق شیرازی
یونین کونسل ملکہ سے مبارکباد کا اشتہار
