کابل (جیوڈیسک) کابل ائیر پورٹ پر دہشت گردوں نے حملہ کیا ہے۔ دہشت گردوں نے ائیر پورٹ کے باہر ایک بلڈنگ سے ہوا ئی اڈے پر فائرنگ کی ہے۔ طالبان نے حملہ کی ذمہ داری قبول کر لی۔
غیر ملکی خبر ایجنسی کا کہنا ہے کہ دہشت گرد ایئرپورٹ کے شمال میں واقع ایک زیر تعمیر عمارت کے اوپر موجود ہیں جہاں سے وہ ہوائی اڈے پر فائرنگ کر رہے ہیں، فائرنگ کے علاوہ دھماکے بھی سنائے دے رہے ہیں۔
کابل پولیس کے ترجمان کے مطابق حملے میں اب تک کوئی جانی نقصان نہیں ہوا۔ ائیر پورٹ کو افغان سیکیورٹی فورسز نے گھیرے میں لے لیا ہے،یہ بھی معلوم نہیں ہو سکا ہے کہ حملہ آور دہشت گردوں کی تعداد کتنی ہے۔
طالبان نے ائر پورٹ پر حملہ کی ذمہ داری قبول کر لی ہے۔ طالبان ترجمان ذبیح اللہ مجاہد نے ایک بیان میں کہا ہے کہ بھاری اور ہلکے ہتھیاروں سے مسلح ہمارے مجاہدین نے کابہ کے ہوائی اڈے پر حملہ کیا ہے۔
ساحل پر کھیلتے معصوم فلسطینی بچے اسرائیل نے دھماکے سے اڑا دیئے
بھارت میں شوگر، ایڈز سمیت 108ادویات کی قیمتیں فکس
