پشاور (جیوڈیسک) طالبان رابطہ کمیٹی کے رکن پروفیسر ابراہیم نے کہا ہے کہ طالبان شوریٰ سے جلد ملاقات متوقع ہے، دو روز میں جگہ کا تعین کر دیا جائے گا۔
پروفیسر ابراہیم کا کہنا تھا کہ طالبان رابطہ کمیٹی نے طالبان شوریٰ سے رابطہ کیا ہے اور امن مذاکرات کے حوالے سے بات چیت کی ہے ۔ طالبان شوریٰ کی جانب سے دو دن میں ملاقات کیلئے جگہ کا تعین کر دیا جائے گا۔
جگہ کے تعین کے بعد حکومتی اور طالبان رابطہ کمیٹی شوریٰ کے اراکین سے ملاقات کریں گی۔
ان کا کہنا تھا کہ طالبان شوریٰ سے ملاقات میں جنگ بندی میں توسیع اور قیدیوں کی رہائی پر بات چیت کی جائے گی جبکہ طالبان شوریٰ کو حکومتی تحفظات سے آگاہ کیا جائے گا جبکہ شوریٰ حکومتی کمیٹی کو اپنے تحفظات سے آگاہ کرے گی۔
لاپتہ قیدی کیس، فوجی اہلکاروں کیخلاف مقدمے پر آج نیا موقف جمع کرانے کا امکان
پرویز مشرف کا مزید فیصلہ کراچی والے کریں گے ، وفاقی وزیر خواجہ سعد رفیق
