لاہور (جیوڈیسک) پاکستان تحریک انصاف کے چیئرمین عمران خان نے چیف آف آرمی اسٹاف جنرل راحیل شریف سے اپیل کی ہے کہ طالبان سے مذاکرات کا سلسلہ دوبارہ بحال کیا جائے۔ اسلام آباد میں اپنی رہائش گاہ بنی گالا میں پریس کانفرنس کے دوران عمران خان نے کہا کہ مذاکرات کے بعد ملک میں دہشت گردی کم ہوئی تھی، اسی لیے وہ جنرل راحیل سے اپیل کرتے ہیں کہ ملک بچائیں اور مذاکرات کا سلسلہ دوبارہ شروع کیا جائے۔
تحریک انصاف کے سربراہ نے کہا کہ ہم شمالی وزیرستان میں امریکا کی جنگ لڑ رہے ہیں، شہریوں کی ہلاکتوں سے شمالی وزیرستان کے عوام پاکستان سے متنفر ہو رہے ہیں، وہاں سے آئی ڈی پی پاکستان کم آ رہے ہیں اور افغانستان زیادہ جا رہے ہیں اور ایسا لگ رہا ہے کہ شمالی وزیرستان کو پاکستان سے علیحدہ کیا جا رہا ہے۔ عمران خان کا کہنا تھا کہ ایسا تاثر دیا جا رہا ہے کہ جیسے پنجاب ہی پورا پاکستان ہے، کراچی کا سرکلر ریلوے منصوبہ بند جبکہ لاہور کے لیے معاہدہ کر لیا گیا ہے۔
کراچی سے خیبر تک کسی بھی بجلی چور کو معاف نہیں کیا جائے گا، عابد شیر علی
وزیراعظم نے ملک کوترقی کی جانب گامزن کر دیا ہے: خرم دستگیر
