لاہور (جیوڈیسک) مولانا سمیع الحق کا کہنا ہے طالبان کے ساتھ مذاکرات ہی امن کا واحد حل ہیں، کراچی ائیرپورٹ حملے میں غیر ملکی قوتیں ملوث ہیں۔ فضل الرحمان کہتے ہیں اسٹبلیشمنٹ وزیرستان میں آپریشن چاہتی ہے۔
مولانا سمیع الحق کا کہنا تھا کہ امریکا کو پتا چل گیا ہے کہ مذاکرات کی بساط لپیٹ دی گئی ہے اس وجہ سے ڈرون حملے شروع ہو گئے ہیں۔ حکومت مذاکرات فوری طور پر بحال کرے۔ کراچی ایئرپورٹ اور تفتان واقعے میں بھارت بھی ملوث ہے۔
مولانا فضل الرحمان کا کہنا تھا کہ اسٹبلیشمنٹ وزیرستان میں آپریشن چاہتی ہے۔ امیر جماعت اسلامی سراج الحق کہتے ہیں اگر امن کے لئے اقدامات نہ کئے گئے تو وفاقی اور صوبائی حکومتیں اپنے سیکریٹریٹس تک محدود ہو جائیں گی۔
سراج الحق کا کہنا تھا کہ امن وامان کے لئے مختص بجٹ میں اضافہ کیا گیا ہے لیکن امن نہیں ہو رہا۔
چائلڈ لیبر کے خاتمے کے لئے غربت کا خاتمہ ضروری ہے: محمد زبیر حفیظ
پرویز مشرف کے نام کا ای سی ایل سے اخراج، ماہرین قانون کا رد عمل
