پشاور (جیوڈیسک) طالبان کمیٹی کے رکن پروفیسر ابراہیم کا کہنا ہے کہ وزیر داخلہ چوہدری نثار علی خان کا بیان غیر معمولی ہے لیکن طالبان موجودہ حالات میں بھی مذکرات جاری رکھنے کے لئے تیار ہیں۔
پروفیسر ابراہیم کا کہنا ہے کہ ہم سنجیدہ لوگ ہیں اور مذاکرات سنجیدگی سے کر رہے ہیں، وزیر داخلہ چوہدری نثار علی خان کا بیان غیر معمولی ہے، موجودہ حالات میں بھی مذاکرات جاری رکھنے کے لئے تیار ہیں۔
ان کا کہنا تھا کہ مذاکرات کے حوالے سے فی الحال مشکلات ہیں جو انشاء اللہ جلد دور کر لی جائیں گی۔ واضح رہے کہ وزیر داخلہ چوہدری نثار علی خان نے گزشتہ روز اپنے ایک بیان میں کہا تھا کہ حکومت موجودہ صورت حال میں طالبان کے ساتھ مذاکرات جاری نہیں رکھ سکتی۔
پیپلزپارٹی آزادی اظہاررائے پر کوئی سمجھوتا برداشت نہیں کریگی ، بلاول بھٹو
ہر کوئی جانتا تھا کہ انتخابات میں مسلم لیگ (ن) ہی جیتے گی، وزیراعظم نواز شریف
