ٹیکسلا(ڈاکٹر سید صابر علی سے)ترکی کی عوام نے وطن اور جمہوریت سے محبت کا حق ادا کردیا، پاکستان کے موجودہ حکمران اپنے بارے میں دور دور تک ایسی توقع نہ رکھیں۔ ان خیالات کا اظہار پاکستان راہ حق پارٹی راولپنڈی کے صدر مفتی حیدر علی حیدری نے اپنے ایک بیان میں کیا،مفتی حیدر علی حیدری کا کہنا تھا کہ گذشتہ تین دہائیوں سے ترکی کی لیڈرشپ اور عوام نے جس بھنور سے اپنے ملک کو نکالا ہے وہ ملت اسلامیہ کیلئے مشعل راہ ہے۔ یہی وجہ ہے کہ آج دنیا بھر میں ترکی نے اپنا لوہا منوا لیا ہے۔ ان کی یہ تاریخ ساز جدوجہد، سامراج کی دیواروں میں دراڑ ڈال چکی ہے۔ ہمارے حکمران عوام سے للچائی ہوئی نظر سے توقع کے پہاڑ وابستہ کرکے گہری نیند لگائے بیٹھے ہیں کہ پاکستانی عوام بھی ایسا کریں گے لیکن موجودہ اور گذشتہ حکمرانوں نے اپنی تجوریاں ہی بھری ہیں اور عوام کو ایک ٹکے کا مفاد حاصل نہ ہوسکا۔ غریب عوام دو وقت کی روٹی، کپڑے اور مکان سے بھی محروم ہوچکے ہیں۔ ظلم پر ظلم یہ ہے کہ بعض سیاسی جماعتوں نے درجنوں دہشت گردوں کو پناہ دئیے رکھی اور غیر ملکی ایجنسیوں کے آلہ کار بن کر وطنِ عزیز میں دہشت گردی کو پروان چڑھاتی رہیں جس کے نتیجے میں عوام کے حصے میں دہشت گردی، خوف و ہراس، بے روزگاری، مہنگائی اور بے راہ روی ہی رہ گئی۔ انہوں نے کہا کہ آج جب پاکستان اقتصادی ترقی کے حوالے سے انتہائی اہم موڑ پر کھڑا ہے تو اس موقع پر بھی عوام کو حکمرانوں سے دور دور تک خیر کی توقع نظر نہیں آرہی جس کی وجہ سے عوام اپنے حکمرانوں سے بے زار تر ہوتے چلے جارہے ہیں مگر غلط کے مقابلے میں غلط کوئی اصول نہیں ہوتا۔ ہم عوام سے اپیل کریں گے کہ عوام جمہوریت کو مضبوط سے مضبوط تر بنائیں اور ہم عسکری اداروں سے یہ توقع رکھتے ہیں کہ وہ ملکی سرحدوں کی حفاظت میں کوئی کسر نہ چھوڑیں گے۔ انہوں نے مزید کہا کہ سعودی عرب، ترکی اور پاکستان کی مثلث اس وقت عالم اسلام کیلئے قائدانہ کردار ادا کرنے کے حوالے سے انتہائی اہم موڑ پر کھڑے ہیں۔ مسلم حکومتوں کی پیٹھ میں چھرا گھونپنے والوں کیلئے ترک عوام کا حالیہ اقدام انتہائی دندان شکن جواب ہے۔
ٹیکسلا (ڈاکٹر سید صابر علی سے) چیئرمین پی او ایف بورڈ ، اسٹیشن کمانڈر واہ چھائونی، کینٹ ایگزیکٹو آفیسر واہ کینٹ کے مشکور ہیں جنہوں نے عوامی مسائل کے حل کے لیے نا صرف خصوصی توجہ دی بلکہ ترقیاتی کاموں کی مد میں خطیر گرانٹ منظور کر کے اہل علاقہ کی بھرپور دادرسی کی بلا تفریق عوامی مسائل کا حل ہماری اولین ترجیحات ہیں ان خیالات کا اظہار کونسلرز کنٹونمنٹ بورڈ واہ کینٹ واہ کینٹ وارڈ نمبر 1ملک محمود خان ،وارڈ نمبر 2ملک مصری خان نے اپنے مشترکہ بیان میں کیا ۔ادھر گلستان کالونی، نیو سمو، میسیاں، سکھو اور وارڈیاںکے مختلف وفود جن میں ملک یوسف ، مل سرفراز، حاجی اکرم، ملک بابر، حاجی عزیزالرحمن، راجہ عمران، بشیر، مجید، شیخ ایوب، سید منظور شاہ، راجہ صدیق، ملک خالد، عابدی، ذاکر شاہ، رئوف، اکرم چغتائی، محمد عظیم، نیو سمو کے حاجی سکندر، حاجی یوسف، ملک جہاںداد، ملک دلشاد، ملک رفاقت، بابو افسر خان، سکھو کے ملک آصف ، ملک سلیم، ملک گلزار اور ملک خرم شامل تھے نے عوامی مسائل کے حل پر خصوصی توجہ دینے پر مذکورہ کونسلرز ملک محمود خان، ملک مصری خان اور کنٹونمنٹ بورڈ انتظامیہ و افسران کا شکریہ ادا کیا میڈیا سے گفتگو کرتے ہوئے ملک محمود خان اور ملک مصری خان کا کہنا تھا کہ عوامی مسائل کے حل میں کینٹ انتظامیہ کے افسران ایگزیکٹو آفیسر شوہدری عمر صدیق، چیف انجنیئر اثرار خٹک سیکرٹری کینٹ بورڈ چوہدری سرور ، انعام اورکزئی خصوصی دلچسپی لے رہے ہیں ترقیاتی کاموں کا تذکرہ کرتے ہوئے ملک محمود کا کہنا تھا کہ منظور کردہ گرانٹ سے گلستان کالونی بیریئر 1سے مسجد عمر اور میڈیکل کالج کی دیوار تک 14فٹ سڑک کی پختگی، نالے کی تعمیر اور فٹ پاتھ بنائی جائے گی جس کی باقاعدہ منظوری ہو چکی ہے جبکہ نیو سمو میں روڈ اور گلیات کی پختگی سیوریج کی تنصیب اور نالوں کی تعمیر کا کام جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا( ڈاکٹر سید صابر علی سے )عبد الستار اید ھی ایک شخص کا نام نہیں بلکہ ایک مقدس تحر یک کا نام تھا انھوں نے خدمت انسانیت کے لیے پوری زندگی اپنی خواہشات کو قربان کیا اپنی ہر سانس کو لا چاروں،بے بسوں اور بے کسوں کے لیے وقف کیاوہ اپنی ذات میں ایک انجمن اور ایک کارواں تھے بزم ادب ٹیکسلا کی خطہ گندھارا میں علم و ادب کے لیے خدمات قابل ستائش ہیں ان خیالات کا اظہار واہ کلچرل فورم اور گندھارا یوتھ فورم کے صدرو کالم نگار سید محمود علی نقی نے بزم ادب ٹیکسلا کے زیر اہتمام عبد الستار اید ھی کی یاد میں منعقدہ محفل مشاعرے میں بطور مہمان خصوصی خطاب کرتے ہوئے کیا صدارت کے فرائض ممتاز شاعر کر نل(ر) محمد شہاب عالم جبکہ مہمان اعزاز وطن عزیز کے معروف نقاد و شاعر سید میثم نقوی اور پروفیسر سلیم زیب نے سر انجام دئیے بزم ادب ٹیکسلا کے صدر تصور عباس نے مہمانوں کا شکریہ ادا کیا اور ایدھی صا حب کی یاد میں اپنا منظوم پیش کرکے مشاعرے کا آغاز کیا معروف شعراء غلام شبیر اشکی،بھاپا پرویز، صدام فدا،حفیظ اللہ بادل،رئیس عباس،اُسامہ جمیل،صدیق بدر،طاہر یحیی،نور السلام،عارف بٹ،رفاقت علی رفاقت اورآغا سید عظمت حسین نقوی نے عبد الستار اید ھی کو زبردست انداز میںخراج عقیدت پیش کیا نظامت کے فرائض شکیل شاقی نے سر انجام دئیے مشاعرے میں معززین علاقہ کے علاوہ اید ھی سینٹر ٹیکسلا کے کارکنوں نے خصوصی طور پر شرکت کی اور شعراء کو داد پیش کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا( ڈاکٹر سید صابر علی سے )عبد پشاور سے آنے والی منشیات موٹر وے کے جنگلے توڑ کر اردگرد کے علاقوں میں سپلائی ہونے لگی ۔تھانہ ٹیکسلا پولیس نے آنکھیں موند لیں ۔تفصیلات کے مطابق سماج دشمن عناصر نے اپنے مفاد کی خاطر نوجوان نسل کو تباہ و برباد کرکے رکھ دیا۔ہیروئن،اور چرس پشاور سے موٹر وے کے ذریعے سمگل کی جاتی ہے ۔اور تھانہ ٹیکسلا کی حدود ،پوڑ،ڈھوک اکثر خان ،اور ونی کے علاقوں میں موٹروے کا جنگلا توڑ کر ارد گرد کے علاقوں میں پہنچائی جاتی ہے ایسی ہی کارروائی گزشتہ روز کی گئی A.W.Tپل سے ایک گاڑی جس میں 4ملزمان تھے نے موٹروے پرآنے والی گاڑی سے بھاری مقدار میں منشیات لی اور اردگرد کے منشیات ڈیلروں کو پہنچانے کی غرض سے راولپنڈی کا رخ کیا ۔جس پر تھانہ ترنول کو اطلاع ملی جس پر کارروائی کی گئی اور بھاری مقدار میں منشیات پکڑی گئی علاقے کی عوام نے احتجاج کرتے ہوئے کہا کہ تھانہ ٹیکسلا کی حدود میں یہ دھندہ عرصہ سے ہورہا ہے اور تھانہ ٹیکسلا کے اہلکاروں نے اپنی مٹھی گرم ہونے پر منشیات فروشوں کو کھلی چھٹی دے رکھی ہے جس سے نوجوان نسل تباہ ہورہی ہے اور اعلیٰ حکام سے مطالبہ کیاہے کہ منشیات فروشی جیسے گھناؤنے فعل میں ملوث افراد کے خلاف سخت قانونی کارروائی عمل میں لائی جائے تاکہ نوجوان نسل تباہ ہونے سے بچ سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا( ڈاکٹر سید صابر علی سے )آزاد کشمیر میں تبدیلی نکا سورج طلوع ہوچکا، مسلم لیگ ن کے حمائت یافتہ امیدوار بھاری اکثریت سے کامیوب ہونگیئ21 جولائی مسلم لیگ کی فتح کا دن ہوگا،برادری ازم اور تمام تر تفرقات ، تعصبات سے بالاتر ہوکر عوام مسلم لیگ ن کو کامیاب کریں گے،،واہ کینٹ ٹیکسلا مسلم لیگ ن گڑھ ہے ،احمد رضا قادری اور راجہ محمدصدیق کو بھاری اکثریت سے کامیاب کرائیں گے،کشمیری مہاجرین کے دس سے بارہ ہزار ووٹ منہا کردیئے گئے جو کشمیری عوام کے ساتھ زیادتی کے مترادف ہے،ان خیالات کا اظہار مسلم لیگ ن کے سرگرم رہنما راجہ سرفراز اصغر اور مسلم لیگ یوتھ ونگ تحصیل ٹیکسلا کے صدر راجہ عامر سعید نے اپنے مشترکہ بیان میں کیا،راجہ سرفراز اصغر کا کہنا تھا کہ ایل اے 35 جموں 6 کے امیدوار راجہ محمد صدیق اور ایل اے 34 وادی 5 کے امیدوار احمد رضا قادری کی تحصیل ٹیکسلا میں بھرپور انتخابی مہم چلائی جارہی ہے ، یوتھ ونگ تحصیل ٹیکسلا کے صدر راجہ عامر سعید کا کہنا تھا کہ تمام تر اوچھے ہتکنڈوں کے بادجود مذکورہ حلقوں سے مسلم لیگ ن کے امیدوار بھاری اکثریت سے کامیاب ہونگے ، ان امیدواروں کی الیکشن کمپین میں نہ صر یوتھ ونگ کے نوجوان پیش پیش پہیں بلکہ مسلم لیگ ن کے راجہ ایواب ، راجہ محمد سعید اور دیگر نامور سیاسی شخصیات سر گرم عمل ہیں، تحصیل ٹیکسلا میں کشمیری مہاجرین کی نشستوں پر ڈور ٹو ڈور کمپین جاری ہے، 21 جولائی کا سورج مسلم لیگ ن کی فتخ کی نوید لیکر طلوع ہوگا،راجہ سرفراز اصغر کا کہنا تھا کہ مسلم لیگ ن کشمیر میں بڑی سیاسی جماعت بن کر ابھرے گی، گزشتہ ادروار میں کشمیریوں کے مسائل سرد خانے کی نظر کئے گئے،کشمیریوں نے مسلم لیگ ن سے امیدیں وابستہ کر رکھی ہیں،
پیرمحل کی خبریں 18/7/2016
کراچی کی خبریں 18/7/2016
