ٹیکسلا (ڈاکٹر سید صابر علی / تحصیل رپورٹر) 6 ماہ کی تنخواہوں کی عدم ادائیگی پرایچ ایم سی ٹیکسلاکے ملازمین کا احتجاجی جلسہ وزیرداخلہ کی مداخلت پر اظہار تشکر میں بدل گیا، ایک ہفتہ کے اندرتمام ملازمین کو 6 ماہ کی تنخواہیں اداکردی جائیں گی۔
چوہدری نثارعلی خان کے نمائندہ حاجی عمر فاروق کا جلسہ میں اعلان، محنت کشوں کے چہرے خوشی سے کھل اُٹھے۔ تفصیلات کے مطابق 6ماہ کی تنخواہ سے محروم ایچ ایم سی ٹیکسلاکے ملازمین جن میں افسران بھی شامل تھے انہوں نے گذشتہ روز ایچ ایم سی فونڈری گیٹ پرایک احتجاجی جلسہ کرناتھاجس میں پیپلزپارٹی سمیت دیگرسیاسی جماعتوں کے مقامی قائدین بھی مدعو تھے تاہم وفاقی وزیرداخلہ چوہدری نثار علی خان نے بروقت نہ صرف مداخلت کی بلکہ سختی سے نوٹس لیتے ہوئے ایچ ایم سی کے مزدوروں کاانتہائی اہم اورحل طلب مسلئہ 6ماہ کی تنخواہیں ایک ہفتہ کے اندراندراداکرنے کاعندیہ دیدیا ہے۔
چوہدری نثار علی خان کی جانب سے ٹیکسلاسے سابق ممبرپنجاب اسمبلی ملک عمرفاروق نے ان کاپیغام جلسہ عام میں دیتے ہوئے کہا کہ میں وفاقی وزیرداخلہ چوہدری نثارعلی خان کی ہدایت پریہاں آیاہوں اورمیں وعدہ کرتاہوں کہ ایک ہفتہ کے دوران ایچ ایم سی کے تمام ملازمین کو گذشتہ 6ماہ کی تنخواہوں کی ادائیگی کردی جائے گی جبکہ اس ضمن میں ایچ ایم سی کودرپیش دیگرمسائل بھی دور کرنے کی کوششیں کی جائیں گی۔
چوہدری نثارعلی خان کی مداخلت اورتنخواہوں کی ادائیگی کے وعدے کے بعدایچ ایم سی ایمپلائزایسوسی ایشن اورجوائنٹ ایکشن کمیٹی نے احتجاجی جلسہ کواظہارتشکرکے جلسہ کانام دیدیا۔یہاں یہ امربھی قابل ذکرہے کہ وفاقی وزیرداخلہ چوہدری نثارعلی خان کی مداخلت کے بعد مذکورہ جلسہ عام میں مدعو دیگرسیاسی جماعتوں کے مقامی قائدین جلسہ میں شریک نہیں ہوئے جبکہ بتایایہ جاتاہے کہ دیگرسیاسی جماعتوں کے قائدین کو میزبانوں کی طرف سے جلسہ میں شریک نہ ہونے کے پیغامات دیئے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈاکٹر سید صابر علی تحصیل رپورٹر ٹیکسلاموبائل نمبر0300-5128038
عمران خان نیازی سروس آف شور کمپنی سے بے نقاب ہو گئے
پاکستان میں جے یو آئی اسلامی اور نظریاتی سرحدات کی محافظ جماعت ہے۔ مولانا عطاء الرحمن
