کراچی (جیوڈیسک) کراچی کے نجی کالج میں آئی سی سی کرکٹ ورلڈ کپ دو ہزار پندرہ کی ٹرافی کی تقریب رونمائی ہوئی۔ سابق کرکٹر انتخاب عالم کہتے ہیں کہ قومی ٹیم متحد ہوکر کھیلے تو ورلڈ چیمپئن بن سکتی ہے۔
کراچی کے نجی کالج میں ورلڈ کپ 2015 کی ٹرافی کی رونمائی کی تقریب میں سابق کرکٹر انتخاب عالم، ایم کیو ایم کے رہنما رئوف صدیقی نے بھی شرکت کی۔
رئوف صدیقی کا کہنا تھا کہ قومی ٹیم ورلڈ کپ جیتنے کی صلاحیت رکھتی ہے، سابق کرکٹر انتخاب عالم کا کہنا تھا کہ موجودہ ٹیم میں انیس سو بانوے کے عمران خان، وسیم اکرم اور جاوید میانداد نہیں لیکن نوجوانوں پر مشتمل یہ ٹیم کسی سے کم بھی نہیں۔
ٹیم متحد ہوکر کھیلے گی تو ضرور کامیاب ہو گی۔ اس موقع پر نوجوان طالب علموں نے ترانہ پڑھا اور ٹیم کے لیے نیک تمنائوں کا اظہار بھی کیا۔
قومی رینکنگ اسنوکر : عمران شہزاد اور محمد سجاد فائنل میں پہنچ گئے
الطاف حسین کی قیادت میں محرمیوں کا خاتمہ کر کے عوام کو بااختیار بنائیں گے۔ نشاط ضیاء
