غزل

Posted on June 21, 2016 By Mohammad Waseem آپکی شاعری, شاعری

ہر اشک دہائی دے ساحل
اِک بار دکھائی دے ساحل

اِس شہرِ سِتم کی گلیوں میں
اب اِذنِ گدائی دے ساحل

ہم جِس کی طلب میں خوار ہوئے
وہ دستِ حنائی دے ساحل

اِس دردِ ہِجر کی وحشت سے
آ ہم کو رہائی دے ساحل

جو مار ہی ڈالے جِیتے جِی
ایسی نہ جدائی دے ساحل

ہم اہلِ جنوں کو مقتل تک
کوئی تو رسائی دے ساحل

Sahil Munir

ساحل منیر

by Mohammad Waseem

Mohammad Waseem - Editor at GeoURDU.com Pakistan

نعت شریف بصورت آزاد نظم جوانی تیری