دہشت گردوں کو پھانسیوں پر لٹکانے کا فیصلہ دیکر حکومت نے دہشت گردوں کو ان کے خاتمے کا پیغام دے دیا ہے
وزیرآباد(تحصیل رپورٹر) دہشت گردوں کو پھانسیوں پر لٹکانے کا فیصلہ دیکر حکومت نے دہشت گردوں کو ان کے خاتمے کا پیغام دے دیا ہے۔آخری دہشت گرد کے خاتمہ تک قوم افواج پاکستان کے ساتھ ہے۔ ان خیالات کااظہار شہریوں نے ایک سروے کے دوران کیا۔ شہریوں شہباز بخاری، محمد نواز مغل، محمد یونس بھٹو، عابد پرویز ،عقیل احمد اور دیگر نے کہا ہے کہ دہشت گردی کے حالیہ واقعہ نے انسانیت سوزی کے تمام ریکارڈ توڑ دیئے ،سانحہ پشاور نے پوری قوم کو سوگوارکر دیاہے۔ درندہ صفت ظالمان کا مکروہ چہرہ دنیا کے سامنے آگیا ہے ۔ انہوں نے کہا کہ واقعہ کے بعد قوم نے ایک فیصلہ دے دیا ہے کہ ان کو کچل کررکھ دیں۔شہریوں نے پاک فوج کے دہشت گردوں کیخلاف حالیہ اقدامات کو سراہتے ہوئے کہا کہ بزدل ظالمان یا دنیا کی کوئی بھی طاقت مسلمانوں/پاکستانیوں کے حوصلوں کو پست نہیں کرسکتی ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دھند اور شدید سردی نے شہریوں کی مشکلات بڑھا دیں، ہسپتالوں میں مریضوں کی تعداد میں اضافہ، ٹریفک حادثات
وزیرآباد(تحصیل رپورٹر)دھند اور شدید سردی نے شہریوں کی مشکلات بڑھا دیں، ہسپتالوں میں مریضوں کی تعداد میں اضافہ، ٹریفک حادثات میں 3خواتین سمیت 5 افراد شدید زخمی ، ہسپتال منتقل کردیا گیا۔گزشتہ تین چار روز سے سردی کی شدت دن بدن بڑھتی جارہی ہے جبکہ دھند کے باعث ٹریفک حادثات بھی معمول بن گئے ہیں۔جی ٹی روڈ موڑ بھٹی منصور موڑ کے قریب موٹر سائیکل سوار شازم عباس اسکی اہلیہ اور بہن وزیرآباد کی طرف آ رہے تھے کہ دھند کے باعث ٹریکٹر ٹرالی سے ٹکرا کرگرنے کے نتیجہ میں شدید زخمی ہوگئے جنہیںہسپتال وزیرآباد لیجایا گیا۔ دوسرا واقعہ جنڈیالہ ڈھاب والا کے قریب پیش آیا جہاں موٹر سائیکل پھسلنے سے دائود نامی شخص اور اس کی بیوی زخمی ہوگئے۔ شدید دھند کے اوقات میں اکثر ڈرائیور سٹاپوں سے آگے نکل جاتے ہیں جس کی وجہ سے مسافروں کو اپنی منزل تک پہنچنے کیلئے پیدل واپس آنا پڑتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نماز جمعہ کے بعد مساجد میں سانحہ پشاور کے زخمیوں کی صحتیابی ، شہداء کے درجات کی بلندی وزیرآباد(تحصیل رپورٹر) نماز جمعہ کے بعد مساجد میں سانحہ پشاور کے زخمیوں کی صحتیابی ، شہداء کے درجات کی بلندی اور ملکی ترقی وسلامتی کیلئے خصوصی دعائیں کی گئیں۔ شہر اور گردونواح کی سینکڑوں جامع مساجد میں خطبات کے دوران علماء کرام نے قوم کو دہشت گردوںکیخلاف متحد ہونے پر زور دیا۔علماء کرام کا اس موقعہ پر کہنا تھا کہ یہود ونصاریٰ عالم اسلام کیخلاف سازشوں میں مصروف ہیں نام نہاد شریعت کے نفاذ کی باتیں کرنے والوں کو بھی اندرون خانہ یہی سپورٹ کررہے ہیں۔ انہوں نے کہا کہ نہتے اور پرامن شہریوں پر حملے کرنے والے اسلام دشمن ہیں ہم سب کو مل کر ان کا قلع قمع کرنا ہوگا۔
