اسلام آباد (جیوڈیسک) وفاقی وزیر اطلاعات پرویز رشید نے اسلام آباد میں پریس کانفرنس کرتے ہوئے کہا ہے کہ حکومت جب اقتدار میں آئی تو پٹرول ایک سو آٹھ روپے فی لٹر تھا، اب ستر روپے میں مل رہا ہے۔ اگرچہ پٹرول کی مد میں حکومت کے ریونیو میں 40 ارب کی کمی آئے گی پھر بھی ہم دنیا بھر اور خطے میں سستا ترین پٹرول فراہم کر رہے ہیں۔
وزیر اطلاعات کا کہنا تھا کہ حکومت نواز شریف کی قیادت میں دہشت گردی کے خاتمے کا عزم رکھتی ہے۔ انسداد دہشت گردی فورس کا قیام اسی سلسلے کی کڑی ہے۔ انہوں نے یہ نوید بھی سنائی کہ سال 2015ء میں گیس کے بحران پر قابو پا لیا جائے گا۔
وزیر اطلاعات کا مزید کہنا تھا کہ بیرون ملک پاکستانیوں کو نواز شریف پر اعتماد ہے۔ غیر ملکی سرمایہ کاری میں 19 فیصد اضافہ ہوا ہے اور معاشی اعشاریہ بھی بہتری کی طرف گامزن ہے۔
رواں مالی سال: جولائی تا جنوری ریونیو شارٹ فال 119 ارب روپے سے تجاوز کر گیا
مجلس وحدت مسلمین ضلع اسلام آباد کی جانب سے سانحہ شکار پور کے شہداء کی یاد میں شمیعیں روشن
