لاہور(جیوڈیسک) قومی جونیئر ہاکی ٹیم ٹیسٹ سیریز کھیلنے کے لئے یورپ کے دو ہفتے کے دورے پر روانہ ہو گئی ہے، روانگی کے وقت کھلاڑیوں کا مورال بلند نظر آیا۔ جونیئر ہاکی ٹیم کا18 رکنی وفد لاہور کے علامہ اقبال انٹر نیشنل ائرپورٹ سے یورپ کے دورے پر روانہ ہوا۔ جونیئر ہاکی ٹیم پہلی بار یورپ کے دورے پر جارہی ہے۔
ٹیم ہالینڈ میں 3، جرمنی میں3 اور بیلجیئم میں 2 میچز کھیلے گی۔ ذرائع سے گفتگو کرتے ہوئے ٹیم کے چیف کوچ رانا مجاہد اور کپتان عمر بھٹہ کا کہنا تھا کہ کھلاڑیوں کی پرفارمنس بہتر ہے قوم دعا کرے،،تمام میچز جیتیں گے۔
کیمپ ہاکی کھلاڑیوں کیلئے مفید ثابت ہو گا، چوہدری اختررسول
چیمپیئنز ٹرافی میں سمجھداری سے کھیلنا ہوگا, اقبال قاسم
