سپریم کورٹ نیعدالتوں میں نکاسی آب کے ناقص انتظام پر ازخود نوٹس کی سماعت چار ہفتوں تک ملتوی کرتے ہوئے ڈی جی واسا سے تفصیلی رپورٹ طلب کر لی۔ سپریم کورٹ لاہور رجسٹری میں جسٹس تصدق حسین جیلانی کی سربراہی میں دو رکنی بنچ نے کیس کی سماعت کی۔ ڈی جی واسا کی جانب سے عدالت کو بتایا گیا کہ لاہور بھر کے سیوریج نظام کی صفائی کے لیے ساڑھے تین ارب روپے جاری کر دیے گئے ہیں۔
اور جلد ہی صورتحال بہتر ہو جائے گی تاہم عدالت چارہفتوں کی مہلت دے تاکہ مفصلی رپورٹ پیش کی جاسکے۔ عدالت نے سماعت ملتوی کرتے ہوئے ڈی جی واسا کو ہدایت کی کہ وہ سیوریج نظام کی بہتری کے حوالے سے اٹھائے گئے اقدامات کی تفصیلی رپورٹ پیش کریں۔ سپریم کورٹ لاہور رجسٹری میں بارش کا پانی جمع ہونے کے معاملے پر دو رکنی بنچ نے ازخود نوٹس لے رکھا ہے۔
کراچی: بجلی کی فراہمی معطل,چار ملین گیلن پانی کی کمی کا سامنا
ہائیکورٹ بار کو چیف جسٹس کیخلاف ریفرنس بھیجنے کا مینڈیٹ نہیں، رانا ثنااللہ
