الریاض (جیوڈیسک) سعودی عرب کی حکومت کا کہنا ہے کہ رواں سال ماضی کی نسبت زیادہ مسلمانوں نے عمرہ ادا کیا۔ سرکاری اعداد و شمار کے مطابق رواں سال عمرہ سیزن میں 80 لاکھ سے زاید مسلمانوں نے عمرہ کی سعادت حاصل کی۔
خادم الحرمین الشریفین شاہ سلمان بن عبدالعزیز کی زیرصدارت کابینہ کا اجلاس منعقد ہوا۔ اجلاس میں سعودی عرب کی طرف سےعازمین حج اور عمرہ کے لیے فراہم کردہ خدمات کو عالم اسلام کی طرف سے سراہے جانے اور سعودی عرب پر اعتماد کااظہار کرنے پرمسلمان ممالک کا شکریہ ادا کیا۔
اس موقع پر سعودی وزیر مملکت اور قائم مقام وزیر اطلاعات ڈاکٹر عصام بن سعد بن سعید بے نیوز ایجنسی’ایس پی اے’ کوبتایا کہ رواں سال 8ملین سے زاید مسلمانوں نے عمرہ کی سعادت حاصل کی۔ ان کاکہنا تھاکہ رواں سال کے جاری حج سیزن میں پوری دنیا سے 20 لاکھ سے زاید فرزندان توحید فریضہ حج ادا کریں گے۔ انہوںنے قطر کی طرف سے اس دعوے کو سختی سے رد کردیا جس میں کہا گیا تھا کہ سعودی عرب قطری عازمین حج وعمرہ پر مشاعر مقدسہ میں آمد کی راہ میں رکاوٹیں کھڑی کررہی ہے۔
انہوںنے کہا کہ قطر کا یہ دعویٰ حقیقت کے برعکس ہے۔ سعودی عرب کے تمام ادارے قطر سمیت تمام مسلمان ممالک کے شہریوںکے عمرہ کی ادائی میں ہر ممکن تعاون کررہے ہیں۔
منشیات اسمگلنگ کیس: رانا ثناء کے جوڈیشل ریمانڈ میں 14 روز کی توسیع
سعودی خواتین کے لیے سفر کی آزادی؟
