تلہ گنگ کی خبریں 15.07.15
Posted on July 16, 2013 By Geo Urdu سٹی نیوز
پنجاب حکومت نے لاوہ میں سپیشل ایجوکیشن سنٹر بنانے کا اعلان کر دیا
تلہ گنگ ( تحصیل رپو ر ٹر ) پنجاب حکومت نے لاوہ میں سپیشل ایجوکیشن سنٹر بنانے کا اعلان کر دیا،حالیہ بجٹ میں رقم بھی مختص کر دی گئی، تلہ گنگ اپ ڈیٹس کو دستیاب بجٹ دستاویزات میں پنجاب حکومت نے ضلع چکوال کی تحصیل لاوہ میں سپیشل ایجوکیشن سنٹر قائم کرنے کا منصوبہ پیش کیا گیا ہے جس کے لئے ایک کروڑ بیس لاکھ روپے رقم مختص کر دی گئی ہے، سپیشل ایجوکیشن سنٹر میں معذور افراد، گونگے بہرے اور نابینا بچوں کو مفت تعلیم، ٹرانسپورٹ کی سہولت مہیا کی جائے گی جبکہ طلباء کو ماہانہ آٹھ سو روپے وظیفہ بھی دیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل لیٹی شہر کی مین گلی جوہڑ کا نقشہ پیش کر رہی ہے
تلہ گنگ ( تحصیل رپو ر ٹر ) یونین کونسل لیٹی شہر کی مین گلی جوہڑ کا نقشہ پیش کر رہی ہے۔جس کی وجہ سے لوگوں کا پیدل چلنا دشوار ہو گیا ہے۔ دوکانوں اور مکانوں کو شدید نقصان کا خطرہ۔ اہلیان علاقہ کا شہر کی مین گلی تعمیر کرنے کا مطالبہ۔ تفصیلات کے مطابق موضع لیٹی میں بازار کی مین گلی نکاسی آب نہ ہونے کی وجہ سے جوہڑ کا نقشہ پیش کر رہی ہے۔ جس سے لوگوں کا پیدل چلنا دشوار اور دوکانوں مکانوں کو شدید نقصان کا اندیشہ ہے۔تاجروں اور اہلیان محلہ نے عوامی نمائندوں سے مطالبہ کیا ہے کہ گلی کو فی الفور تعمیر کر کے ہمیں اس عزاب سے نجات دلائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ رمضان میںبدترین مہنگائی سے پنجاب حکومت کی گڈگورننس کا پول کھل گیا
تلہ گنگ (ملک ار شد کو ٹگلہ سے) پیپلز پارٹی ضلع چکوال کے سینئر نائب صدر ڈاکٹر علی حسنین نقوی نے کہا ہے کہ ماہ رمضان میں بدترین مہنگائی سے پنجاب حکومت کی گڈگورننس کاپول کھل گیا، سستے رمضان بازار صرف نام کے سستے ہیں، دوکاندار دونوں
ہاتھوں سے عوام کولوٹ ر ہے ہیں عوام کو ریلیف نہیں مل سکا،ان خیالات کا اظہار انہوں نے اپنے ایک بیان میں کیا ڈاکٹر علی حسنین نقوی نے کہا کہ پنجاب حکومت مہنگائی کو کنٹرول کرنے میں مکمل طور پر ناکام ہو چکی ہے، سستا رمضان بازاروں میں بھی عوام کو لوٹا جا رہا ہے ایک طرف ناقص فروٹ و دیگر اشیاء بازاروں میں دستیاب ہیں تو دوسری طرف مہنگے داموں عوام کو خریدنے پر مجبور کیا جا رہا ہے انہوں نے کہا روزہ رکھنے سے اللہ کی ذات بابرکت اپنے بندوں سے بہت خوش ہوتی ہے اس لیے جولوگ اس ماہ مقدس میں بڑے پیمانے پر مہنگائی کررہے ہیں اورروزے داروں کوستارہے ہیں وہ خداکی رحمت سے محروم رہیں گے ،روزے داروں کوستاکرکسی طرح بھی خداکی رضا حاصل نہیں کی جاسکتی۔ انہوںنے وزیر اعلیٰ پنجاب سے مطالبہ کیا کہ عوام کو فوری طورپر سستارمضان پیکج دیاجائے اور مہنگائی کو کنٹرول کرنے کے لیے ریاستی مشینری حرکت میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فوج نے ڈیرے ڈال لئے مختلف علاقوں سے آئے ہوئے گداگروں نے شہر کے چاروں اطراف عارضی بستیاں قائم کرلیں
تلہ گنگ ( تحصیل رپو ر ٹر )رمضان المبارک شروع ہوتے ہی تلہ گنگ شہر اور گردو نواح میں گداگروں کی فوج نے ڈیرے ڈال لئے مختلف علاقوں سے آئے ہوئے گداگروں نے شہر کے چاروں اطراف عارضی بستیاں قائم کرلیں بچے بوڑھے خواتین نوجوان لڑکیاں بازاروں میں بھیک مانگنے میں مصروف نوجوان لڑکیاں بھیک مانگنے کی آڑ میں نوجوانوں کو بے راہ روی کی طرف مائل کرنے میں مصروف تفصیلات کے مطابق رمضان المبارک کے آغاز کے ساتھ ہی تلہ گنگ کے گردو نواح میں گدا گروں نے اپنے عارضی بستیاں بسالیں اور تلہ گنگ شہر میں سینکڑوں کی تعداد میں گدا گر بھیک مانگتے نظر آرہے ہیں گداگروں کی فوج جس میں بچے بوڑھے خواتین نوجوان لڑکیاں مختلف طریقوں سے بھیک مانگتی نظر آتی ہیں۔گدا گروں نے اپنے معصوم بچوں کے جسموں پر مختلف کاسمیٹکس لگا کر مصنوعی زخم بنا ئے ہوئے ہیں تاکہ دیکھنے وال
ا ترس کھا کر خیرات دیدے گدا گر وں کی نوجوان لڑکیوں نے ٹولیوں کی صورت میں بھیک مانگنے کی آڑ میں نوجوان لڑکوں کو بے راہ روی کا شکار کرنے کیلئے اپنی طرف مائل کرنا شروع کردیا اس سلسلہ میں ضلعی انتظامیہ کی مکمل خاموشی معنی خیز ہے گداگروں کی ٹولیاں شہر کے مین چوکوں، بازاروں و دیگر پبلک مقامات پر بھیک مانگتی نظر آتی ہیں اور اس وقت تک پیچھا نہیں چھوڑتیں جب تک جیب سے کچھ نکلوا نہ لیں شہریوں نے انتظامیہ سے مطالبہ کیا ہے کہ رمضان المبارک جیسے مقدس مہینہ میں ایسے بھکاریوں کو تحصیل بدر کیا جائے جوبھیک کی آڑ میں گناہوں کی دعوت دینے میں مصروف ہیں۔
