تلہ گنگ کی خبریں 26.03.2013
Posted on March 27, 2013 By Tahir Webmaster سٹی نیوز
ڈسٹرکٹ آفیسر روڈ چکوال یونس علی کے خلاف ضلع بھر کی طرح تحصیل تلہ گنگ کے تمام ملازمیں کی ہڑتال بھی جاری ہے
تلہ گنگ(تحصیل رپو ر ٹر) ڈسٹرکٹ آفیسر روڈ چکوال یونس علی کے خلاف ضلع بھر کی طرح تحصیل تلہ گنگ کے تمام ملازمیں کی ہڑتال بھی جاری ہے۔ تفصیلات کے مطابق محکمہ ہائی وے ڈویژن چکوال کے تمام سٹاف جن میں ڈسٹرکٹ آفیسر روڈ کا عملہ، سب انجننئرز، پی ڈبلیو ڈی ورکر یونین نے ڈسٹرکٹ آفیسر کے ناروا رویے پر ہڑتال کا اعلان کیا تھا۔ایکسین چکوال کے دفتر کے باہر ایک احتجاجی کیمپ بھی لگایا گیا ہے۔ جس میں موجود ملازمین کا مطالبہ ہے کہ ڈسٹرکٹ آفیسر کا تبادلہ کیا جائے۔ اور انکے خلاف کرپشن اور دیگر الزامات کی اعلی سطحی کمیٹی سے باقاعدہ انکوائری کرائی جائے۔
ََََََََََََََََََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاغذات نامزدگی حاصل کر نے کے پہلے روز ہی ایڈیشنل ڈسٹرکٹ اینڈ سیشن جج تلہ گنگ میاں محمد عبدالرفیق کی عدالت سے 33افراد نے کاغذات نامزدگی حاصل کر لئے
تلہ گنگ(تحصیل رپو ر ٹر) کاغذات نامزدگی حاصل کر نے کے پہلے روز ہی ایڈیشنل ڈسٹرکٹ اینڈ سیشن جج تلہ گنگ میاں محمد عبدالرفیق کی عدالت سے 33افراد نے کاغذات نامزدگی حاصل کر لئے۔ جن میں این اے 61کے لئے ملک سلیم اقبال، سردار منصور حیات ٹمن، کمانڈر (ر) ملک محمد ایوب ، ملک شہر یار، ملک محمد عرفان، چوہدری محمد امیر خان،سردار محمدفیض ٹمن، مقصود بیگم۔ پی پی 22کے لئے ملک حسن رضا اگرال، کمانڈر (ر) ملک محمد ایوب،ڈاکٹر محمد حسنین نقوی،ملک طارق محمود ایڈووکیٹ، فوزیہ بہرام، فدا حسین، راجہ ذوالفقار علی، سید محمد سجاد غازی ، محمد سلیمان عاطف، عمران عباس، ملک بشیر احمد جبکہ پی پی23 سے ملک ظہور انور اعوان، ملک آفتاب احمد، ڈاکٹر حافط حمید اﷲ، سردار امجد الیاس سمیت دیگر افراد انے ان تینوں حلقوں کے لئے کاغذات نامزدگی حاصل کئے۔ ذرائع کے مطابق ان تینوں حلقوں سے ابتدائی طورپر کثیر تعداد میں لوگ کاغذات حاصل کرینگے جو وقت کسے ساتھ ساتھ مقابلہ چند ناموں تک یہ محدود ہو کر رہ جائے گا۔ پہلے روز چوہدری پرویز الہی، سردارممتاز ٹمن اور سردار غلام عباس نے کاغذات حاصل نہیں کئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سردار غلام عباس کے ق لیگ کے ساتھ مذاکرات کامیاب،سردار عباس ق لیگ کی حمایت کے ساتھ این اے ساٹھ اور پی پی بائیس سے الیکشن لڑینگے
تلہ گنگ(تحصیل رپو ر ٹر)سردار غلام عباس کے ق لیگ کے ساتھ مذاکرات کامیاب،سردار عباس ق لیگ کی حمایت کے ساتھ این اے ساٹھ اور پی پی بائیس سے الیکشن لڑینگے۔تفصیلات کے مطابق سابق ضلع ناظم چکوال سردار غلام عباس کے پاکستان مسلم لیگ ق کی ہائی کمان کے ساتھ کامیاب مذکرات میں طے پایا کہ حلقہ این اے ساٹھ میں سردار غلام عباس،پی پی اکیس پر سردار گروپ کے اْمیدوارملک اخترشہباز ،پی پی بیس پر ق لیگ کا اْمیدوارجبکہ سردار گروپ این اے اکسٹھ پر ق لیگ کے چودھری پرویز الہٰی اور پی پی تئیس پر ق لیگ کے سردار امجد الیاس کی حمایت کرے گا۔اس طرح پی پی بائیس پر سردار غلام عباس ہی الیکشن میں حصہ لیں گے۔سردار غلام عباس اور مسلم لیگ ق اپنے اپنے انتخابی نشان پر انتخابات میں حصہ لینگے۔
قیام امن کے لیے مسلمان کمیونٹی کا کردار پر عالمی امن فیڈریشن کی کانفرنس ، محمد اقبال چوہدری کے لیے سفیر امن کا خطاب
