تلہ گنگ کی خبریں 23.04.2013
Posted on April 23, 2013 By Tahir Webmaster سٹی نیوز
صوبائی حلقہ پی پی23سے جماعت اسلامی کے امیدوار پروفیسر ڈاکٹر حمید اللہ نے کہا ہے کہ انتخابی اتحادوں کی سیاست کا تجربہ کامیاب نہیں رہا
تلہ گنگ (تحصیل رپو ر ٹر) صوبائی حلقہ پی پی23سے جماعت اسلامی کے امیدوار پروفیسر ڈاکٹر حمید اللہ نے کہا ہے کہ انتخابی اتحادوں کی سیاست کا تجربہ کامیاب نہیں رہا 1970ء کی طرح جماعت اسلامی نے اپنے نشان ”ترازو” کا تسلسل برقرار رکھنے کا فیصلہ کیا ہے وہ تلہ گنگ پریس کلب میں خطاب کر رہے تھے انہوں نے کہا کہ جماعت اسلامی اپنے منشور کی بنیاد پر حکومت سازی میں تعاون کر سکتی ہے ہم نظریاتی سیاست کو فروغ دے رہے ہیں ماضی میں اتحادوں کی سیاست اور انتخابی عمل سے باہر رہ کر جماعت اسلامی الیکشن میں حصہ لینے کا تسلسل برقرار نہ رکھ سکی جس کے نقصانات کا اعتراف کرتے ہوئے انہوں نے کہا حالیہ الیکشن میں اپنے نشان ”ترازو” کے ساتھ حصہ لینے کی وجہ سے گائوں گائوں پذیرائی ملی ہے انہوں نے کہا کہ جماعت کے نظریاتی نظام کے علاوہ تحصیل تلہ گنگ کے تمام مواضعات میں پانچ رکنی رابطہ کمیٹی بنائی ہے جو سیاسی ونگ کے طور پر عوام کے روز مرہ مسائل حل کرانے میں کردارادا کرے گی انہوں نے تحصیل تلہ گنگ میں الخدمت فائونڈیشن کے تحت رفاعی منصوبوں کا اعلان کرتے ہوئے کہا جماعت اسلامی کا منشور رفاعی رہ اسلامی ریاست کا قیام ہے اس موقع پر جماعت اسلامی کے ناظم انتخابات ظہیر الحسن بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ کے موضع لاوہ میں مسلم لیگ ن کو مشکلات کا سامنا ، پرانے کارکن مسلم لیگ ق میں شامل
تلہ گنگ (تحصیل رپو ر ٹر)تلہ گنگ کے موضع لاوہ میں مسلم لیگ ن کو مشکلات کا سامنا ، پرانے کارکن مسلم لیگ ق میں شامل ۔ تفصیلات کے مطابق مسلم لیگ ن کے دیرینہ کارکن ملک دوست محمد ، ملک مہر خان ، ملک فتح خان اپنی اپنی برادریوں
سمیت مسلم لیگ ق میں شامل ہوگئے انہوں نے چودھری پرویز الہی اور امجد الیاس کی حمایت کا اعلا ن کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل تلہ گنگ میں ن لیگ کی پیش قدمی،اہلسنت و الجماعت نے ن لیگ کے اُمیدواروں کی حمایت کا اعلان کر دیا
تلہ گنگ (تحصیل رپو ر ٹر) تحصیل تلہ گنگ میں ن لیگ کی پیش قدمی،اہلسنت و الجماعت نے ن لیگ کے اُمیدواروں کی حمایت کا اعلان کر دیا ،دو اُمیدوار بھی ن لیگ کے حق میں دستبردار ۔تفصیلات کے مطابق جا مع علویہ حیدریہ تلہ گنگ میں اہلسنت و الجماعت کا ہنگامی اجلاس منعقدہوا ۔اجلاس میں جماعت کے رہنمائوں ندیم یعقوب فاروقی ،ملک مسعود ،مولانا عبدالرحمن ،ممتاز قانون دان ملک طارق محمود ایڈووکیٹ سمیت علاقہ بھر سے کارکنوں کی بڑی تعداد نے شرکت کی ۔اس موقع پر طے پایا کہ اہلسنت و الجماعت کے تمام کارکنوں اور ورکرز ن لیگ کے اُمیدواروں کی حمایت کرینگے ۔اجلاس میں جماعت اہلسنت کے حلقہ پی پی 22سے اُمیدوار مولانا عبدالرحمن اور آزاد اُمیدوار ملک طارق محمود ایڈووکیٹ نے حلقہ پی پی 22سے ن لیگ کے اُمیدوار سردار ذوالفقار دلہہ کے حق میں دستبردار ہونے کا بھی اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کے نا مز د امید وار حلقہ پی پی تئیس ملک ظہو ر انور اعوان نے کہا ہے کہ مسلم لیگ ن کامیاب ہو کر حقیقی تبدیلی و نئے پاکستان کی بنیاد رکھے گی
تلہ گنگ (تحصیل رپو ر ٹر)مسلم لیگ ن کے نا مز د امید وار حلقہ پی پی تئیس ملک ظہو ر انور اعوان نے کہا ہے کہ مسلم لیگ ن کامیاب ہو کر حقیقی تبدیلی و نئے پاکستان کی بنیاد رکھے گی۔ 11مئی کا الیکشن پیپلزپارٹی اور کاغذی سا ئیکلو ںکے کڑے احتساب کا دن ہو گا۔ محب الوطن پاکستانی مسلم لیگ ن کی کامیابی کیلئے کوشاں ہیں۔ دونوں سیاسی جماعتوں نے متعدد بار اقتدار ملنے کے باوجود ایک بھی قابل ذکر
کارنامہ انجام نہیں دیا ،کوئی بھی محکمہ درست نہیں ہو سکابلکہ عوام کے پیسے پر عیا شا ں کی ہے ۔ کرپشن ،بے روز گا ری،لو ڈ شیڈ نگ کا خا تمہ ،اور فنی تعلیم کو عا م کر نا مسلم لیگ ن کا اولین مشن ہے۔ انہوں نے مزید کہا کہ میا ں نو از شر یف کا منشور اپنی مثال آپ ہے۔ آج تک کسی بھی سیاسی جماعت نے ایسا جامع منشور پیش نہیں کیا۔ مسلم لیگ ن کا منشور تمام پاکستانیوں کے دل کی آواز ہے۔ کرپٹ حکمرانوں عوام کو اب سبز باغ دیکھا کر بیوقوف نہیں بنا سکتے۔ مسلم لیگ ن کا اقتدار میں آنا اٹل ہے۔کارکنان کی دن رات محنت اب رنگ لانے والی ہے۔ وہ دور دور نہیں جب چاروں صوبوں میں مسلم لیگ ن کی حکومت ہو گی۔ آئندہ الیکشن میں مسلم لیگ ن کی فتح کا بول بالا ہو گا۔ عوام بار بار لوٹنے والے کرپٹ حکمرانوں کے ہاتھوں سے ملک کو بچائیں۔
