تلہ گنگ کی خبریں 12.07.2013
Posted on July 13, 2013 By Geo Urdu سٹی نیوز
عالمی یوم آبادی کے موقع پر تلہ گنگ شہر میں موٹر سائیکل ریلی کا انعقاد
تلہ گنگ (تحصیل رپو ر ٹر) عالمی یوم آبادی کے موقع پر تلہ گنگ شہر میں موٹر سائیکل ریلی کا انعقاد محکمہ بہبود آبادی تلہ گنگ کی زیر نگرانی کیا گیا۔ ریلی کا آغاز تحصیل آفس محکمہ بہبود آبادی تلہ گنگ مندیال چو ک سے ہوا ریلی مختلف راستوں سے گزرتی ہوئی ٹی ایم اے آفس پر اختتام پذیر ہوئی جہاں پر موٹر سائیکل ریلی کے شرکاء کا اسسٹنٹ کمشنر تلہ گنگ عابد حسین بھٹی اور انجمن تاجران کے عہدیداروں کے ساتھ گروپ فوٹو سیشن ہوا۔ ریلی میں تحصیل آفیسر تلہ گنگ محکمہ بہبودآبادی عاصم ارسلان ملک اور تحصیل بھر کے سوشل موبلائزر اور سٹاف نے شرکت کی۔ اس موقع پر عاصم ارسلان نے شرکاء کو بتایا کہ اس سال عالمی یوم آبادی کا سلوگن (کم عمری میں شادی کے اثرات) پر آگاہی دینا ہے انہوں نے خاندانی منصوبہ بندی پر تفصیلی روشنی ڈالی اور کہا کہ معاشرے میں کم عمر بچیوں کی شادیوں کو روکا جائے، ماں کی صحت اور معاشرے کی ترقی اسی میں ہے کہ خاندان چھوٹا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ صحت تلہ گنگ کی ٹیم کا رمضان بازار کا دورہ، سٹالوں سے سیمپل اکھٹے کئے
تلہ گنگ (تحصیل رپو ر ٹر) محکمہ صحت تلہ گنگ کی ٹیم کا رمضان بازار کا دورہ، سٹالوں سے سیمپل اکھٹے کئے۔ رمضان بازار کا اچانک دورہ کیا اور موقع پر لگے سٹالوں سے مختلف اشیائے کی سمپلنگ کی تاکہ عوام کو خالص اور معیاری اشیاء کی فراہمی کو یقینی بنایا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک کا پہلا روزہ، سستا رمضان بازار ناکام ہوگیا
تلہ گنگ (تحصیل رپو ر ٹر) رمضان المبارک کا پہلا روزہ، سستا رمضان بازار ناکام ہوگیا۔ تفصیلا ت کے مطابق تاجروں نے اپنے تحفظات سے آگاہ کرتے ہوئے کہا کہ سستے بازاروں میں سیاستدانوں اور مسلم لیگ یوتھ ونگ کی مداخلت ناقابل برداشت ہے، اگر اشیاء کی قیمتیں چیک کرنا مقصود ہے وہ انتظامیہ کرے۔ مذاکرات ہونے کے باوجود تاجروں کی اکثریت نے سستے رمضان بازار کا رخ نہیں کیا جس کے باعث چار سے پانچ سٹال ہی نظر آئے۔ اور عوام مایوس واپس جاتی رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہلیان علاقہ کا شدید احتجاج، تفصیلات کے مطابق لاوہ میں لگائے گیا
تلہ گنگ (تحصیل رپو ر ٹر) سستے رمضان بازار، لاوہ میں صرف آٹا اور چکن دستیاب، انتظامیہ نے ٹینٹ بھی اتار لئے، اہلیان علاقہ کا شدید احتجاج، تفصیلات کے مطابق لاوہ میں لگائے گیا سستا رمضان بازار عوام سے کھلا مذاق بن چکا ہے،بازار میںصرف آٹا اور مرغی کا گوشت دستیاب ہے جبکہ باقی تمام اسٹالز خالی پڑے ہیں، بازار کے لئے لگائے گئے ٹینٹ بھی انتظامیہ نے اتار لئے ہیں جس پر اہلیان علاقہ نے شدید احتجاج کرتے ہوئے کہا ہے کہ رمضان بازار پنجاب حکومت کا صرف اپنا پیٹ بھرنے کا پروگرام ہے اسے عوام کو کسی صورت بھی ریلیف نہیں مل رہا کیونکہ بازار میں کچھ دستیاب ہی نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پچنند جو کثیر آبادی والا تحصیل کا اہم ترین شہر ہے
تلہ گنگ (تحصیل رپو ر ٹر ) پچنند جو کثیر آبادی والا تحصیل کا اہم ترین شہر ہے لیکن تاحال انتظامیہ کی عدم توجہ کا شکار رھ جانے کی وجہ سے عوام کو کوئی مناسب سہولت میسر کرنے میں اہم ترین کردار ادا نہ کرسکی۔ گزشتہ کئی سالوں سے تلہ گنگ، لاوہ سمیت دیگر علاقوں میں رمضان المبارک کے آغاز سے ہی سستا بازار لگائے جاتے ہیں لیکن ہربار پچنند کو نظر انداز کر دیا جاتا ہے اور عوام کو ان کا حق نہیں مل پاتا۔ پچنند اور اس کے گردونواح کے سینکڑوں افراد مہنگائی کی چکی میں پستے چلے آرہے ہیں لیکن انتظامیہ نے کبھی اس طرف رخ ہی نہ کیا اور نہ ہی عوام کی مشکلات کوکم کرنے کے لیئے کسی بھی میٹنگ میں تذکرہ کیا گیا ہو۔ عوام کا کہنا ہے کہ غریب عوام سینکڑوں روپے کرایہ ادا کرکے تلہ گنگ سستا بازار کا رخ کرے تو وہ سستا بازار بجائے ریلیف کے عوام کے لیئے مہنگا بازار ثابت ہوتے ہیں اور غریب عوام مقامی دکانداروں کے من مانے ریٹس پر لٹ رہے ہیں۔ حکومتی سطح پر پچنند کی عوام کے لیئے کسی قسم کا رمضان ریلیف فراہم نہ کیا جاسکا۔ عوام کا تحصیل انتظامیہ سے پرزور مطالبہ ہے کہ علاقے کی عوام کو ان کے حق سے محروم نہ رکھا جائے اور رمضان المبارک میں شہریوں کو ریلیف دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عدم دستیابی کی وجہ سے عوام در در کی ٹھوکریں کھانے پر مجبورہو کر رہی گئی
تلہ گنگ (تحصیل رپو ر ٹر ) حلقہ پٹوار پچنند میں تعینات پٹواری کی عدم دستیابی کی وجہ سے عوام در در کی ٹھوکریں کھانے پر مجبورہو کر رہی گئی۔ پچنند میں متعلقہ حلقے سے تقریباََ 50 کلومیٹر دور تلہ گنگ میں پٹواری نے اپنا دفتر قائم کر رکھا ہے۔ اہلیان علاقہ کا کہنا ہے کہ گزشتہ سال اپنی اس حلقہ میں تعیناتی کے بعد وہ بمشکل دو ہفتے ہی پچنند رہے لیکن اس کے بعد وہ یہاں سے غائب ہوکر تلہ گنگ جابیٹھے۔ سینکڑوں غریب کسانوں و اہلیان علاقہ کو فرد، انتقال اراضی اور دیگر معاملات کے لیئے باربار تلہ گنگ میں دفتر کے چکر کاٹنا پڑتے ہیں لیکن کبھی کبھار ہی پٹواری ملتا ہے۔ عوام کا کہنا ہے کہ تلہ گنگ آنے جانے میں دو سو روپے تو ان کا کرایہ بن جاتا ہے جس کی وجہ سے غریب افراد کو شدید بے بسی کا سامنا ہے۔ کسان طبقہ محکمہ مال اور پٹواری مافیا کے ظلم و ستم اور لوٹ مار سے عاجز آچکا ہے۔ عوام کا کہنا ہے کہ اس مافیا نے رشوت کا مکروہ جال بن رکھا ہے جس میں غریب افراد ذلیل و خوار ہوکر رھ گئے۔ اہلیان علاقہ کی وزیر اعلیٰ پنجاب میاں شہباز شریف، ڈی سی او چکوال اور اسسٹنٹ کمشنر تلہ گنگ سے پرزور مطالبہ ہے کہ پچنند حلقہ میں پٹواری کو فوراََ پچنند دفتر قائم کرنے کے احکامات صادر کیئے جائیں اور ایک سال کی اس من مانی پر متعلقہ پٹواری کا مواخذہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ لاوہ گزشتہ کئی سالوں سے بدترین مسائل میں گھر چکا ہے
تلہ گنگ (تحصیل رپو ر ٹر ) تھانہ لاوہ گزشتہ کئی سالوں سے بدترین مسائل میں گھر چکا ہے اور دیگر تھانوں کی نسبت متعدد ضروریات سے تا حال محروم چلا آرہا ہے جس کی طرف توجہ ہی نہیں دی جارہی۔ 1891 ء انگریز دور سے بنی پر شکوہ عمارت کا جائزہ لینے سے آنکھیںکھل جاتی ہیں۔ عرصہ دراز سے بنی عمارت اور اس کی تزئین و آرائش کے لیئے حکومت کی طرف سے عدم توجہ کا ثبوت دیا جانے لگا۔ گزشتہ چند سال پہلے اس
بوسیدہ عمارت کے چھٹ اتار کر دوبارہ پختہ کیئے گئے۔ تھانہ میں بنے تنگ کمروں کی وجہ سے ڈیوٹی پر تعینات جوان اپنے فرائض کی ادائیگی میں شدید پریشانی سے دوچار ہیں۔تھانہ لاوہ بہت بڑے ایریا سے منسلک ہونے کے باوجود تاحال جرائم سے نمٹنے کے لیئے سٹاف ہی مکمل نہیں۔ عملہ ناکافی ہونے کی وجہ سے جائے وقوعہ پر بروقت پہنچنا انتہائی مشکل ہوجاتا ہے میڈیا کی ٹیم نے تھانہ لاوہ جائزے کے دوران بہت سے مسائل کو دیکھا ۔ انتہائی محدود سائل کے باوجود محدود عملہ اپنے فرائض ایمانداری سے سر انجام دے رہا ہے۔ تھانہ لاوہ کی چار دیواری نہ ہونے کی وجہ سے تھانہ کی حدودمیں ہروقت جانور پھرتے رہتے ہیں جس کی وجہ سے روزانہ جانوروں کے فضلہ کی صفائی کئی کنال پھیلے ایریا کی روزانہ کی جاتی ہے ۔ چار دیواری نہ ہونے کی وجہ سے سیکورٹی مسائل بھی جنم لے رہے ہیں۔ تھانہ میں قیدیوں کے لیئے 15 افراد کی گنجائش کی حوالات موجود ہے لیکن وہ بھی بدحال دکھائی دے رہی ہے۔ تھانہ میں لوڈ شیڈنگ کے دوران بجلی کو بحال رکھنے کے لیئے حکومتی سطح پر کوئی مناسب بندوبست نہیں کیا گیا جس کیوجہ سے عملہ کو لوڈ شیڈنگ جیسے عذاب سے بھی نمٹنا پڑتا ہے۔ موجودہ دور میں تمام تھانوں کو آن لائن کرنے کے بھرپور دعوے کیئے جاتے رہے لیکن تاحال تھانہ لاوہ میں ریکارڈ کو محفوظ رکھنے کے لیئے کوئی کمپیوٹر کا بندوبست نہیں اور نہ ہی تاحال کمپیوٹر آپریٹر کی آسامی کو پر کیا جاسکا۔ موجودہ دور میں آئی جی پنجاب ملک خان بیگ کا تعلق لاوہ میں ہونے کی وجہ سے ان سے بھرپور مطالبہ کیا جاتا ہے کہ تھانہ لاوہ میں خالی آسامیوں کو پر کیا جائے اور عملہ میں اضافہ کیا جائے۔ تھانہ میں چار دیواری تعمیر کی جائے اور دیگر سہولیات متعلقہ تھانہ میں فراہم کی جائیں۔ آئی پنجاب ملک خان بیگ سمیت دیگر اعلیٰ افسران سے پرزور مطالبہ ہے کہ وہ اس پر خصوصی توجہ دیں کہیں ایسا نہ ہو کہ آج کے ترقی کے دور میں چراغ تلے اندھیرا ہی رہے۔
PIA اور کورنگی ٹاؤن یونٹ کے مشترکہ اجلاس سے سنیٹرل کو آرڈ نیشن کمیٹی
