تلہ گنگ کی خبریں 14.07.2013
Posted on July 15, 2013 By Geo Urdu سٹی نیوز
حکمران پسے ہوئے غریب عوام پر ترس کھائیں اور بچا کھچا سرمایہ حیات ان سے چھیننے کی بجائے اپنے پیٹ چھوٹے کریں
تلہ گنگ (تحصیل رپو ر ٹر) حکمران پسے ہوئے غریب عوام پر ترس کھائیں اور بچا کھچا سرمایہ حیات ان سے چھیننے کی بجائے اپنے پیٹ چھو ٹے کریں اور قربانی کا رخ اپنے گھروں اور رشتہ داروں اور لوٹ کھسوٹ گروپ کی طرف کریں۔ ان خیالات کا اظہار سردار گروپ کے سر کر دہ رہنما ملک ممتاز حیدر نے ڈھو ک جھنڈے پر صحافیوں سے گفتگو کرتے ہوئے کیا۔ انہوں نے مزید کہا گذشتہ دو ماہ میں حکومتی اقدامات نے عوام دشمنی کا سابقہ حکومت کا ریکارڈ کامیابی سے توڑ دیا ہے معمولی سہولتیں اور اشیائے خورد نوش انتہائی تیز رفتاری سے عوام الناس اور تنخواہ دار اور دیہاڑی دار طبقات کی پہنچ سے دور کر دیے گئے جس کی وجہ سے جرائم، کرپشن اور مہنگائی لوٹ مار کو فروغ ملا۔ جس کی تمام تر ذمہ داری ہمارے حکمران طبقات پر عائد ہوتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ چکوال، روالپنڈ ی، میانوالی روڈ پر شہر کے عین وسط میں کھلا ہوا مین ہول کس بھی وقت ہولناک حادثے کو سبب بن سکتا ہے
تلہ گنگ (تحصیل رپو ر ٹر) تلہ گنگ چکوال، روالپنڈ ی ،میا نو الی روڈ پر شہر کے عین وسط میں کھلا ہوا مین ہول کس بھی وقت ہولناک حادثے کو سبب بن سکتا ہے۔ تلہ گنگ شہر کی گلیوں کے علاوہ اس کی سڑکوں پر بھی مین ہول منہ کھولے حادثہ کے منتظر ہیں۔ عوام کے مطابق وہ کئی دفعہ متعلقہ محکوں کے مقامی دفاتر میں جا جا کر تھک چکے ہیںمگر افسران بالا کے کانوں میں جوں تک نہیں رینگی۔ عوامی اور سماجی حلقوں نے کہا ہے کہ خدانخواستہ کسی حادثے کی صورت میں وہ قانونی کاروائی کا حق محفوظ رکھتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ میں واقع اکلوتا نیشنل بینک بزرگ مردو خواتین پینشنرز کے لیئے کسی اذیت سے کم نہیں
تلہ گنگ (تحصیل رپو ر ٹر) تلہ گنگ میں واقع اکلوتا نیشنل بینک بزرگ مردو خواتین پینشنرز کے لیئے کسی اذیت سے کم نہیں۔ تحصیل تلہ گنگ کے 84 ملحقہ دیہاتوں سے مردو خواتین پینشن کے حصول کے لیئے تلہ گنگ کا رخ کرتے ہیں لیکن اکلوتا بینک ہونے کی وجہ سے پینشنرز کو شدید مشکلات سے دوچار ہونا پڑتا ہے۔ بڑھتی ہوئی مہنگائی کے پیش نظر ہر شخص کی نظریں مہینے کی پہلی تاریخ کی طرف ہوتی ہیں کہ جونہی نیا مہینہ شروع ہوتا ہے تو تحصیل تلہ گنگ کے ہزاروں بزرگ مردو خواتین پینشن کے حصول کے لیئے تلہ گنگ میں نیشنل بینک کی اکلوتی پرانچ میں سارا دن لمبی لمبی قطاروں میں کھڑا رہ کر دھکے کھانے پر مجبور ہوجاتے ہیں۔ نیشنل بینک تلہ گنگ میں پینشنرز کی رقم وصولی کے لیئے مردو خواتین ایک ہی کا نٹر سے پینشن لیتے ہیں جس سے عملے سمیت خواتین اور مردوں کوپریشانی کا سامنا رہتا ہے اور کئی کئی گھنٹے اپنی باری کا انتظار رہتا ہے ان میں سے بیشتر پینشنرز صبح ٹائم نکال کر تلہ گنگ کا رخ اس لیئے بھی کرتے ہیں کہ حاصل شدہ پیسوں سے خرید و فروخت بھی کرلیں لیکن یہاں پر لمبی لمبی قطاروں میں دن بھر کھڑا رہ کر بمشکل شام تک پینشن ہی وصول کرسکتے ہیں اور صبح سویرے سے قطاروں میں لگے شام کو تھکے ہارے گھروں کا رخ کرتے ہیں کہ کہیں گائوں کی آخری گاڑی ہی نہ نکل جائے۔ بزرگ مرد پینشنرز کی طرح خواتین کو بھی پینشن کے حصول کے لیئے شدید مشکلات کا سامنا کرنا پڑتا ہے وہ اپنے کام کاج چھوڑ کر کئی کئی گھنٹے پینشن کے حصول میں ماری ماری پھرتی ہیں بینک میں رش زیادہ ہونے کی وجہ سے برزگ خواتین تو چکرا کر رہ جاتی ہیں لیکن کوئی ان کو تسلی دینا والا بھی نہیں۔ نیشنل بینک تلہ گنگ میں ایک ہی کیش کائونٹر ہونے کی وجہ سے سارا دن مردو خواتین کا رش لگارہتا ہے ان میں سے بیشتر خواتین و حضرات تو اپنی باری کے انتظار میں ایک دوسرے سے الجھ بھی پرتے ہیں۔ شہریوں کا کہنا ہے کہ اگر تلہ گنگ میں نیشنل بینک کی مزید ایک برانچ کھول دی جائے تو اس سے کافی رش کم ہوئے گا اور عوام کو پینشن کے حصول کے لیئے درپیش
مسائل سے بھی چھٹکارا مل جائے گا۔ تحصیل تلہ گنگ سمیت اس کے گردو نواح کے ہزاروں پینشنرز مردو خواتین کا اعلیٰ حکام سے پرزور مطالبہ ہے کہ تلہ گنگ میں نیشنل بینک کی مزید نئی پرانچ جلد کھولی جائے تاکہ بزرگ مردو خواتین پینشنرز باآسانی اپنے مقررہ وقت میں پینشن وصول کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہلیان پچنند تاحال سوئی گیس کی نعمت سے محروم، سیاسی لیڈران کے جھوٹے دعوے سے عوام سخت مایوس
تلہ گنگ (تحصیل رپو ر ٹر) اہلیان پچنند تاحال سوئی گیس کی نعمت سے محروم، سیاسی لیڈران کے جھوٹے دعوے سے عوام سخت مایوس، اہلیان پچنند کو سوئی گیس کی فراہمی کے وعدے ہر الیکشن سے پہلے کیئے گئے لیکن منتخب ہونے والے سیاسی لیڈران ہر بار علاقہ کی عوام کے پرزور مطالبہ کو پس پشت ڈالتے چلے آرہے ہیں جس سے عوام راوئتی سیاست دانوں سے سخت مایوس ہو چکی۔ تلہ گنگ، ملتان خورد سمیت دیگر علاقوں میں سوئی گیس کی فراہمی کئی سالوں پہلے ہوئی لیکن اہلیان پچنند کا دیرینہ مطالبہ آج بھی قائم ہے۔ لوگ لکڑیاں جلا کر زمانہ قدیم کی یادیں زندہ کرنے پر مجبور ہیں۔ سوئی گیس کے معاملے میں عوام سے سوتیلی ماں جیسا سلوک کیا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل کو ٹگلہ بنیادی مسائل کا شکار، سڑکیں ٹوٹ پھوٹ گئیں
تلہ گنگ (ملک ارشد کو ٹگلہ سے ) یونین کونسل کو ٹگلہ بنیادی مسائل کا شکار، سڑکیں ٹوٹ پھوٹ گئیں، صفائی اور نکاسی آب نہ ہونے کی وجہ سے مسائل کے انبار، علاقہ مکینوں کی زندگی اجیرن ہو چکی ہے۔ تفصیلات کے مطابق یونین کونسل کو ٹگلہ کی سڑکیں ٹوٹ پھوٹ کا شکار ہو چکی ہیں۔ سڑکیں تالاب کا منظر پیش کر رہی ہیں۔صحافیوں سے گفتگو کرتے ہوئے اہلیان یوسی کو ٹگلہ محمد اقبا ل سدا بہار، محمد
بنا رس، شیر محمد، محمد اسلم، ملک یا سر، ملک رب نواز، ملک نواز، محمد لیطف، سراج دین، محمد کریم، لیاقت اعوان نے کہا کہ سیورج کا نظام سرے سے ہے ہی نہیں نالیوں اور گٹروں سے نکلنے والا پانی سڑکوں پر آجاتا ہے، جس سے راہ گیروں خصوصا عورتوں اور بچوں کا گزرنا گویا پل صراط اور نمازیوں کے لیے وبال جان بن چکا ہے۔ جگہ جگہ پانی کے گڑھے بنے ہوئے ہیں جس سے علاقہ میں مچھروں کی بہتات ہے۔ اور مختلف بیماریاں جنم لے رہی ہیں۔ اسکے علاوہ ڈینگی مچھر کا خوف علیحدہ مکینوں کو ہراسا ں کیے ہوئے ہے۔ سڑکیں ٹوٹ پھوٹ کا شکار ہونے اور پانی جمع رہنے کے سب کئی بوڑھے خواتین و حضرا ت گر نے کے نتیجے میں زخمی بھی ہو چکے ہیں۔جبکہ سکول جانے والے بچے یونیفارم گندا ہو جانے کے باعث واپس گھروں کو ہی لوٹ آتے ہیں۔ جس سے انکا مستقبل تباہ ہونے کا خدشہ ہے۔ اور انکی تعلیم بھی متاثر ہو رہی ہے۔ متعدد حادثات ہونے کے باوجود انکی روک تھام کے لیے کوئی مناسب اقدامات نہیں اٹھائے جا رہے۔ یوسی کو ٹگلہ کے لوگوں نے حکومت پنجاب سے مطا لبہ کیا ہے کہ ہما رے مسا ئل پر توجہ دی جائے اور جلد از جلد ہمارے مسائل حل کیے جائے۔
