تلہ گنگ کی خبریں 19.03.2013
Posted on March 20, 2013 By Tahir Webmaster سٹی نیوز
تلہ گنگ کے موضع لاوہ کے دوہرے قتل کیس کے گواہان کو ڈرانے دھمکانے کا سلسلہ جاری
تلہ گنگ (تحصیل رپو ر ٹر) تلہ گنگ کے موضع لاوہ کے دوہرے قتل کیس کے گواہان کو ڈرانے دھمکانے کا سلسلہ جاری ، پولیس خاموش تماشائی ۔ ملزمان کیخلاف لاوہ کا وفد پریس کلب تلہ گنگ پہنچ گیا ۔ تفصیلات کے مطابق لاوہ میں کچھ عرصہ قبل بشیر احمد اور اسکے بیٹے فخر اقبال کو فائرنگ کرکے قتل کردیا گیا تھا جب وہ اپنے فارم سے واپس آرہے تھے ، بعد ازاں قتل کے مدعی کے معاونین کو ملزمان کی جانب سے ڈرانے دھمکانے کا سلسلہ شروع ہوگیا اور ظفر اقبال ، شیر خان کو فائرنگ کرکے زخمی کردیا گیا تھا جس کا مقدمہ تھانہ لاوہ میں درج ہے ، تاہم پولیس نے کوئی خاص کارروائی نہ کی اب دوہرے قتل کے گواہ فتح خان کے گھر کے باہر فائرنگ کی گئی اور ڈرایا دھمکیاں گیا فتح خان کے مطابق خالق محمود ، شیراز عباس اور تین نامعلوم اشخاص نے اس کے گھر پر فائرنگ کی اور ملزمان اسلحہ لہراتے ہوئے فرار ہوگئے ۔فتح خان دیگر بیس افراد کے ہمراہ پریس کلب تلہ گنگ پہنچ گئے اور کہا کہ اب ہم اپنے گھروں میں غیر محفوظ ہو چکے ہیں پولیس ہمارا تحفظ کرنے میں ناکام ہو چکی ہے ملزمان دندناتے پھر رہے ہیں ، دوہرے قتل کا معاملہ بھی ہنوز حل طلب ہے ۔، آئی جی پنجاب ، آر پی او راولپنڈی رینچ اور ڈی پی او چکوال کو مذکورہ ملزمان کیخلاف فی الفور کارروائی کا مطالبہ کیا ہے ۔ اور کہا کہ اگر ملزمان کو فی الفور گرفتار نہ کیا گیا ، اور مقدمات کا اندراج نہ کیا گیا تو ہم راست اقدام پر مجبورہوں گے ۔ ایس ایچ او تھانہ لاوہ نے اپنے موقف میں بتایا کہ ہم سے پہلے ہی دوہرے قتل کے ملزمان گرفتار نہیں ہوئے کہ مدعیان اور مقدمات اندراج کرا رہے ہیں ۔ اس موقف سے پولیس کی نااہلی کا واضح ثبوت ملتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلحہ کی نوک پر لڑکے کیساتھ اجتماعی بدفعلی ، ویڈیوبنا کر بلیک میلنگ
تلہ گنگ (تحصیل رپو ر ٹر) اسلحہ کی نوک پر لڑکے کیساتھ اجتماعی بدفعلی ، ویڈیو
بنا کر بلیک میلنگ ۔ مقدمہ درج ۔ تفصیلا ت کے مطابق کاشف محمود ساکن ڈھوک کیالہ داخلی تھوہا محرم خان نے تھانہ صدر تلہ گنگ کو بتایا کہ وہ موٹرسائیکل پر چینجی جارہا تھا کہ راستے میں موٹرسائیکل خراب ہوگیا اور محمد رئیس ۔ محمد شہزاد سکنائے ڈھوک کیالہ اپنے موٹرسائیکل پر آگئے اور میرا موٹرسائیکل باندھ کر مجھے ساتھ لے گئے تاہم چینجی جانے کے بجائے تھاٹی بنگلہ کے جنگل میں لے گئے جہاں محمد وقار عرف وکی ساکن چنیجی پہلے سے موجود تھا اور اسلحہ کی نوک پر میرے ساتھ بدفعلی کر ڈالی ، موبائل فون کے ذریعے میری ویڈیو بنا کر مجھے بلیک میل کرنا شروع کردیا انہوں نے ملزمان کیخلاف سخت کارروائی کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہزار کا چیک ڈس آنر مقدمہ درج ۔ مدعی وسیم اختر کے مطابق جنید احمد ساکن تلہ گنگ غرب نے سائل سے زیورات لئے
تلہ گنگ (تحصیل رپو ر ٹر)) 35ہزار کا چیک ڈس آنر مقدمہ درج ۔ مدعی وسیم اختر کے مطابق جنید احمد ساکن تلہ گنگ غرب نے سائل سے زیورات لئے نقد ادائیگی کے بعد بقیہ رقم35ہزار کا چیک دیا جو بنک سے ڈس آنر ہوگیا ۔ پولیس نے مقدمہ درج کر لیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو چوری کی وار داتیں ، نامعلوم چور ٹرانسفارمر اور موٹرسائیکل لے اڑے
تلہ گنگ (تحصیل رپو ر ٹر)دو چوری کی وار داتیں ، نامعلوم چور ٹرانسفارمر اور موٹرسائیکل لے اڑے ۔ مقدمہ درج ۔ تفصیلات کے مطابق ایس ڈی او آئیسکو رورل نے تھانہ صدر کو بتایا کہ ڈھوک داتا داخلی تھوہا محرم خان نامعلوم چوروں نے 25کے وی مالیتی ڈیڑھ لاکھ کا ٹرانسفارمر چوری کر لیا ۔ دوسری چوری کی واردات پیڑہ فتحال ہوگی ۔ محمد عمر احمد خان نے بتایا کہ اس کا ملکیتی ہنڈا 125مالیتیCHK818 اسی ہزار گھر میں کھڑا تھا کہ صبح اٹھا تو موٹرسائیکل غائب تھا ۔ پولیس نے مقدمہ درج کر لیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ کلر کہار روڈ پر موضع بھر پور کے قریب پک اپ اور موٹر سائیکل کے مابین تصادم
تلہ گنگ (تحصیل رپو ر ٹر) تلہ گنگ کلر کہار روڈ پر موضع بھر پور کے قریب پک اپ اور موٹر سائیکل کے مابین تصادم کے نتیجے میں موٹر سائیکل سوار محمد نواز ولد محمد افضل ساکن ڈھوک نواشتی داخلی تھوہا محرم خان موقع پر ہی جاں بحق ہو گیا۔متوفی محمد نواز کو اْسکے آبائی قبرستان میں سپردخاک کر دیا گیا۔
