تلہ گنگ کی خبریں 24.03.2013
Posted on March 25, 2013 By Tahir Webmaster سٹی نیوز
پیپلز پا ر ٹی اور مسلم لیگ ق کا اتحا د ختم ہو نے کی صور ت میں حلقہ پی پی 22اور پی پی 23سے پیپلز پا ر ٹی کی ٹکٹ کیلئے انٹر ویو
تلہ گنگ (تحصیل رپو ر ٹر)پیپلز پا ر ٹی اور مسلم لیگ ق کا اتحا د ختم ہو نے کی صور ت میں حلقہ پی پی 22اور پی پی 23سے پیپلز پا ر ٹی کی ٹکٹ کیلئے انٹر ویو دینے والے ڈاکٹر علی حسنین نقو ی نے پا ر ٹی قیا دت کو یقین دہا نی کر وائی ہے کہ اگر ق لیگ سے اتحا د نہ ہو ا تو وہ این اے اکسٹھ سے الیکشن لڑ یں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوٹ مار ،اقرباء پروری اور کرپشن کا پانچ سالہ سیاہ ترین دور ختم ہو چکا ہے
تلہ گنگ (تحصیل رپو ر ٹر) لوٹ مار ،اقرباء پروری اور کرپشن کا پانچ سالہ سیاہ ترین دور ختم ہو چکا ہے۔عوام آمدہ انتخابات میں ظلم نا انصافی کا حساب لیں گے ۔ان خیا لات کا اظہار رہنماء جماعت اسلامی امیدوار برائے صوبائی اسمبلی ڈاکٹر حمیداللہ ملک نے پریس کانفرنس میں کیا ۔انہوں نے کہا کہ مہنگائی ،بیروز گاری ،غربت ،لوڈشیڈنگ بدامنی۔لوٹ ماراور کرپشن کا پانچ سالہ سیاہ ترین دور اب ختم ہو گیا۔عوام اب ایک ایک ظلم اور نا انصافی کا حساب لیں گے۔عوام نے خدمت کا موقع دیا تو ایک سال میں بجلی اور گیس کی لوڈشیڈنگ کا خاتمہ کر دیں گے۔ایک بات میں انہوں نے کہا کہ کارکردگی کا راپ الاپنے والوںکو الیکشن میں آٹے دال کا بھائو معلوم ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیٹی ووٹر لسٹوں کی بے ضابطگیاں ۔محمد اشفاق ولد نورمحمد اور محمد اجمل ولد محمد نوازاور دیگر افراد کاووٹ لیٹی
تلہ گنگ (تحصیل رپو ر ٹر) لیٹی ووٹر لسٹوں کی بے ضابطگیاں ۔محمد اشفاق ولد نورمحمد اور محمد اجمل ولد محمد نوازاور دیگر افراد کاووٹ لیٹی کی بجائے ٹیکسلا ماڈل ٹائون میں درج۔تفصیلات کے مطابق یونین کونسل لیٹی کے کئی ووٹ اپنے حلقہ کی بجائے دیگر شہروں میں درج ۔متاثرین سراپا احتجاج۔محمد اشفاق ،محمد اجمل اور دیگر افراد کا کہنا ہے کہ ہم نے آج تک ٹیکسلا کو دیکھا تک بھی نہیں اور ہمارے ووٹ ٹیکسلا ماڈل ٹائوں میں درج کر دیئے گئے ہیں ۔انہوں نے الیکشن کمیشن اور نادرا کے حکام بالا سے اپیل کی ہے کہ ہمارے ووٹ ہمارے حلقے میں درج کر کے حق رائے دہی استعمال کرنے کا موقع دیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیت علماء اسلام کی انتخابی سرگرمیاں شروع
تلہ گنگ (تحصیل رپو ر ٹر) جمعیت علماء اسلام کی انتخابی سرگرمیاں شروع،امیدواروں کے حتمی اعلان کے لئے تحصیل بھر کی مذہبی شخصیات اور علماء کرام سے مشاورت آخری مراحل میںداخل ، جمعیت علماء اسلام کے ضلعی امیر قاری الطاف الرحمن نے یہاں میڈیا سے گفتگو میں بتایا کہ جے یو آئی دیانت دار قیادت کو میدان میں اتارے گی مذہبی جماعتوں کامؤثرووٹ جمعیت علماء اسلام کے انتخابی نشان کتاب پر ٹھپہ لگا کرعلاقے میں تبدیلی کی تاریخ رقم کرے گا،انشاء اللہ محراب ومنبر کو مرکز بنائیں گے اور چٹان بن کر مقابلہ کریں گے ا نہو ںنے کہا کہ ملک کو لوٹنے والوں سے نجات حاصل کرنے کے لیے ایک دیانت دار قیادت منتخب کرنے کا عوام کو موقع مل رہا ہے جس سے عوام فائدہ اٹھائیں جمعیت ایسے امیدوار میدان میں لائے گی جن کا ماضی اور حال عوام کے سامنے ہوگااور ان کی دیانت اور امانت پر کسی کو انگلی اٹھانے کی ہمت نہیں ہوگی۔مزید انہوں نے کہا قائد جمعیت مولانا فضل الرحمن کی قیادت میں جمعیت علماء اسلام ملک بھر میں تبدیلی کے لیے عملی جدوجہد کررہی ہے اور انشاء اللہ جمعیت علماء اسلام ملک کے وقار اور عزت کو تمام عالم اسلام میں کھویا ہوا مقام دلائے گی۔عوام ملک میں تبدیلی کے لیے جمعیت علماء اسلام کابھرپور ساتھ دیں۔سابق اتحادی حکومت نے مہنگائی بے روزگاری، بدامنی، امن وامان کی ابتر صورتحال نے غریب عوام کی مشکلات میں اضافہ کردیا ہے۔ اور مستقبل میں بھی ان کو غریب عوام کے
مسائل سے کوئی دلچسپی نہیں عوام ووٹ کے ذریعے انقلابی تبدیلی لائیں پرْامن تبدیلی سے ہی ملک بحران سے نکل سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیت علماء اسلام نے دینی قوت کو مجتمع کرکے ملک میں حقیقی تبدیلی کی طرف قدم بڑھایا ہے
تلہ گنگ (تحصیل رپو ر ٹر) جمعیت علماء اسلام نے دینی قوت کو مجتمع کرکے ملک میں حقیقی تبدیلی کی طرف قدم بڑھایا ہے 31 مارچ کو اسلام زندباد کانفرنس کامیابی سے ہمکنار ہوکر قومی افق پر ایک بڑی تبدیلی کا پیش خیمہ اور ملک میں پائیدار امن اور اتحاد و اخوت کی علامت ثابت ہوگی ۔ان خیالات کا اظہار جمعیت علماء اسلام کے ضلعی نائب امیر مولانا عطاء الرحمن نے ایک بڑے اجتماع سے خطاب کرتے ہوئے کیا۔انہوں نے کہا کہ پچھلے 65 برسوں میںعوام کو ٹشو پیپر کی طرح استعمال کیا گیا لیکن انکے حقوق تعلیم ، روزگار اور خوشحالی پر کبھی کام نہیں کیا گیا۔کرپشن ، بھتہ خوری اور بجلی و گیس کی لوڈ شیڈنگ نے اس معاشی حب کو جس قدر نقصان پہنچایا اس کا ازالہ اب ممکن نہیں۔ معاشی بد حالی کے سبب پاکستان اربوں ڈالر کا مقروض ہے اور دوسری جانب حکمرانوں کی عیاشیوں کا یہ عالم ہے کہ وہ قلعوں میں محصور مہنگی ترین بلٹ پروف گاڑیوں میں محو سفر ہیں۔ انہوں نے کہا کہ ان حالات میں 31 مارچ کو اسلام زندباد کانفرنس روشن صبح کی قوی امید بن کر سامنے آئے گی31 مارچ بروز اتوار کومینار پاکستان پرپاکستان کی تاریخ کی سب سے بڑی اسلام زندہ باد کانفرنس کا انعقادکیا جارہاہے اس کانفرنس کامقصدآئندہ آنے والے حالات میں دین دار طبقے کو انکی قوت کا احساس دلانا ہے31 مارچ کو ملک میں حقیقی تبدیلی کے لیے پاکستان کے عوام لاہور کی جانب قدم بڑھائیں گے اور پاکستان کو ایک مستحکم اسلامی فلاحی ریاست بنانے کے خواب کو شرمندہ تعبیر کریں گے ۔انہوں نے کہا کہ عوام جے یو آئی کے منتخب نمائندوں کو منتخب کریںتاکہ ملک میں اسلامی نظام کو عملاً نافذ کیا جاسکے۔انہوں نے کہاکہ انشا ء اللہ جمعیت علماء اسلام اقتدار میں آتے ہی ملک میں
شریعت کا نفاذ کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیت علماء اسلام کی ضلعی مجلس عمومی اور مجلس عاملہ کا مشترکہ اجلاس
تلہ گنگ (تحصیل رپو ر ٹر) جمعیت علماء اسلام کی ضلعی مجلس عمومی اور مجلس عاملہ کا مشترکہ اجلاس گزشتہ تلہ گنگ میں منعقد ہوا۔ جس میںجے یو آئی کے ضلعی امیر قاری الطاف الرحمن،سیدفاروق شاہ ،مولانا عطاء الرحمن چوہدری عبدالجبار،حافظ عبدالقدیر ،قاری عبدالغفار،حافظ محمد ادریس ،سمیت جمعیت کے ذمہ داران نے شرکت کی۔ اجلاس میں 31 مارچ کولاہور میں منعقدہ اسلام زندہ باد کانفرنس میںضلع بھر سے تیاریوں کا مشترکہ لائحہ عمل ترتیب دیا گیا۔اجلاس میں متفقہ طور پر یہ فیصلہ کیا گیا کہ 31 مارچ کی اسلام زندہ باد کانفرنس کو کامیاب بنانے کے لیے ہر گھر کی دہلیزتک پہنچ کردعوت کا پیغام پہنچایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل تلہ گنگ میں کوئی گھوسٹ سکول نہیں ہے
تلہ گنگ (تحصیل رپو ر ٹر) تحصیل تلہ گنگ میں کوئی گھوسٹ سکول نہیں ہے۔ ان بات کاانکشاف سکول سروے رپورٹ میں ہوا۔ تفصیلات کے مطابق سپریم کورٹ کے حکم پر تحصیل تلہ گنگ میں سکول سروے کمیٹی بنائی گئی تھی۔ جس کے سربراہ ایڈیشنل سیشن جج تلہ گنگ میاں محمد عبدالرفیق تھے۔ جبکہ دیگر ممبران میںڈپٹی ایجوکیشن آفیسر تلہ گنگ ملک عارف، اسسٹنٹ ایجوکیشن آفیسر ملک احمد نواز اگرال، صدر بار کونسل ملک ناصر جمال، سیکرٹری جنرل بار کونسل ملک ریاض موگلہ شامل تھے۔ کمیٹی نے تحصیل بھر کے 440سکولوں کا معائنہ کیا اور انکی حالت کو تسلی بخش قرار دیا۔ عوامی اور سماجی حلقوں نے اس سروے کو خوش آئند قراردیا اور امید کا اظہار کیا کہ حکومت تحصیل بھر کے تعلیمی اداروں کی عمارتوں اور دیگر سہولیات کی فراہمی کیلئے بھی اقدامات کریگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ میں ایڈیشنل سیشن جج کی عدالت کو جنریٹر فراہم کئے جانے کے باوجود اس سے ابھی تک استفادہ حاصل نہ کیا جاسکا
تلہ گنگ (تحصیل رپو ر ٹر)تلہ گنگ میں ایڈیشنل سیشن جج کی عدالت کو جنریٹر فراہم کئے جانے کے باوجود اس سے ابھی تک استفادہ حاصل نہ کیا جاسکا۔ تفصیلات کے مطابق لاکھوں روپے کی مالیت کا یہ جنریٹر اس وقت بیکار پڑاہے کیوں کہ اس میں استعمال ہونیوالے ڈیزل کے لئے کوئی فنڈز مختص نہیں کئے گئے۔ انتخابات کی آمد آمد اور تلہ گنگ میں غیر اعلانیہ لوڈ شیڈنگ کی بدولت دفتری معمولات نبٹانے کے لئے جنریٹر کی اہمیت بڑھ گئی۔ عوامی اور سماجی حلقوں نے اصلاح احوال کا متعلقہ اداروں سے مطالبہ کیا ہے۔
