تلہ گنگ کی خبریں 27.07.2013
Posted on July 28, 2013 By Geo Urdu سٹی نیوز
اکوال کے قریب تھانہ صدر پولیس کی کامیاب کارروائی
تلہ گنگ (تحصیل رپو ر ٹر) اکوال کے قریب تھانہ صدر پولیس کی کامیاب کارروائی۔ کروڑوں روپے مالیت کی 25 کلو منشیات برآمد، ملزم گرفتار۔ پولیس تھانہ صدر تلہ گنگ نے ایس ایچ او ذرات بلوچ کی سربراہی میں اکوال کے قریب صبح کے وقت ناکہ بندی کرکے اسلام آبا د نمبر 656 سینٹرو کی تلاشی لی اور روغی خان کے قبضہ سے تقریبا 25 کلو کے قریب چرس برآمد کر کے ملزمکو گرفتار کر لیا ہے۔ خدشہ ظاہر کیا جارہا ہے کہ یہ کروڑوں روپے مالیت کی منشیات تحصیل تلہ گنگ کے منشیات فروشوں تک پہنچائی جانی تھی۔ قبل ازیں تھانہ صدر منشیات فروش کیخلاف موثر مہم کے دوران تین منشیات فروشوں کو گرفتار کر لیا تھا۔ روغی خان سے ابتدائی تفتیش کے بعد مزید نیٹ کیخلاف موثر کارروائی ممکن ہو سکے گی۔ سنسنی خیز انکشافات کی توقع کی جارہی ہے۔ذرائع کے مطابق ایک پولیس چوکی پر ملزم کی جانب سے سات لاکھ روپے کی رشوت دینے کا بھی انکشاف ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پچنند میں چوری کی واردات، چور موبائل شاپ سے ہزاروں روپے مالیت کے موبائل لے کر فرار، شہریوں کا پچنند میں پولیس چوکی قائم
تلہ گنگ (تحصیل رپو ر ٹر) پچنند میں چوری کی واردات، چور موبائل شاپ سے ہزاروں روپے مالیت کے موبائل لے کر فرار شہریوں کا پچنند میں پولیس چوکی قائم کرنے کا مطالبہ، تفصیلات کے مطابق پچنند میں ملک شوکت اعوان کی دکان میں چوری کی واردات ہوئی جس میںچور ہزاروں روپے مالیت کے موبائل لے کر رفو چکر ہو گئے، چوری کی اس واردات کے بعد علاقے میں خوف و ہراس پھیلا ہوا ہے، اہلیان علاقہ نے حکام سے مطالبہ کیا ہے کہ پچنند میں جرائم کو کنٹرول کرنے کے لئے پولیس چوکی کا قیام اشد ضروری ہے، پولیس چوکی بنانے کے ساتھ ہی پولیس کا گشت بھی بڑھایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ ہائی سکول کوٹگلہ کا میٹرک کا ریزلٹ مجموعی طور پر پچپن فیصد رہا
تلہ گنگ (تحصیل رپو ر ٹر) گورنمنٹ ہائی سکول کوٹگلہ کا میٹرک کا ریزلٹ مجموعی طور پر پچپن فیصد رہا، خوشحال گڑھ کے رہائشی تنویر حسین نے 795 نمبر لے کر سکو ل بھر سے پہلی پوزیشن حاصل کی جبکہ چکی شاہ جی کے رہائشی محمد رفیق نے 755 نمبر لے کر دوسری اور مہیمن یار قیوم نے 746 نمبر لے کر تیسری پوزیشن حاصل کی۔ نکہ کہوٹ کی ہونہار طالبہ شائزہ احمد دخترخلیل احمد عاصم نے میٹرک کے امتحانات میں 961 نمبر حاصل کر کے تحصیل بھر میں نمایاں پوزیشن حاصل کر لی۔ ہونہار طالبہ کی اس کامیابی پر سید ارشاحسین شاہ کاظمی سرپرست اعلی تلہ گنگ الیکٹرانک میڈیا ایسوسی ایشن اور تلہ گنگ پر یس کلب جو ائنٹ سیکر ٹر ی ملک ارشد کو ٹگلہ نے طالبہ اور اس کے والدین کو مبارکباد پیش کی ہے اور اس ہونہار طالبہ کے بہتر مستقبل کے لئے نیک خواہشات کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب کی ہدایت پر تحصیل تلہ گنگ میں 27 جولائی کو ڈینگی کے خاتمے کے عہد کا دن منایا گیا
تلہ گنگ (تحصیل رپو ر ٹر) حکومت پنجاب کی ہدایت پر تحصیل تلہ گنگ میں 27 جولائی کو ڈینگی کے خاتمے کے عہد کا دن منایا گیا۔ تفصیلات کے مطابق ڈپٹی ڈسٹرکٹ ہیلتھ آفیسر تلہ گنگ ڈاکٹر عبد الرزاق نے تحصیل تلہ گنگ میں ڈینگی کے خاتمے کے عہد کا دن مناتے ہوئے جناح ہال تلہ گنگ میں ایک سیمینار منعقد کرایا جس میں اسسٹنٹ کمشنر تلہ گنگ تنویر الرحمن، ٹی ایم او ملک خلیل احمد نئیر، میاں انیس الرحمن، سینئر ہیڈ ماسٹر ملک اعجاز، جناح ویلفیئر سوسائٹی کے ندیم اختر، ہیلتھ سپروائزر مظہر حسین، کے علاوہ اساتذہ کرام، لیڈی ہیلتھ ورکرز، محکمہ ہیلتھ کے اہلکار، سول سوسائٹی کے ممبران اور محکمہ بہبود آبادی کے میل موبلائزر نے بڑی تعداد میں شرکت کی۔ اس موقع پر ڈینگی کے لاروا کو بروقت تلف کرنے اور اسکی افزائش
کو روکنے کے متعلق ڈاکٹر عبد الرزاق نے شرکاء کو آگاہ کیا۔ جس کے بعد ٹی ایم اے تلہ گنگ سے واک نکالی گئی جو ٹریفک چوک سے ہوتی ہوئی ٹی ایم اے تلہ گنگ آکر اختتام پذیر ہوئی، اس موقع پر لوگوں میں ڈینگی کے حوالے سے آگاہی پمفلٹ بھی تقسیم کئے گئے۔
