کروڑ لعل عیسن (نامہ نگار) ٹی ایم اے شہر کی صحت و صفائی اور ترقیاتی منصوبوں پر بھرپور توجہ دے رہی ہے۔ شہری کوئی بھی مسئلہ ہو تو رابطہ کر سکتے ہیں۔ ان خیالات کا اظہار ایڈمنسٹریٹر ٹی ایم اے تنویر یزدان نے گزشتہ روز آڑھتیان سبزی منڈی کروڑ صدر طارق پہاڑ، سرپرست شیخ محمد ایوب، نائب صدر شیخ عتیق الرحمن اور عبدالحمید خان سے ملاقات کے دوران کیا۔
انہوں نے کہا کہ سبزی منڈی کے مسائل حل کرنے پر توجہ دی جا ئے گی۔ اور اس سلسلہ میں جلد مارکیٹ کمیٹی حکام اور سبزی منڈی کے آڑھتیان کو بلایا جائے گا۔ انہوں نے کہا کہ سبزی منڈی کے آڑھتی سبزی فروٹ بولی پر فروخت کریں۔ اور اس سلسلہ میں حکومت اور انتظامیہ سے تعاون کریں۔
ایڈمنسٹریٹر نے تنویر یزدان نے کہا کہ موجودہ حکومت عوام کو سستی اشیائے خوردونوش کی فراہمی کو یقینی بنانے کیلئے اقدامات کر رہی ہے۔ اس موقع پر صدر انجمن سبزی منڈی طارق پہاڑ نے سبزی منڈی کروڑ میں سیوریج ڈالنے کا مطالبہ کیا۔ اور سبزی منڈی کی شفٹنگ پر بھی بات کی گئی۔ جس پر انہوں نے جلد عمل درآمد کی یقین دہانی کروا دی۔
