کراچی: بھٹہ محمڈن فٹ بال کلب کے زیر اہتمام کے پی ٹی اسٹیڈیم کیماڑی پر جاری آل کراچی خان محمد میموریل فٹ بال ٹورنامنٹ کے پہلے سیمی فائنل مقابلے میں کیماڑی محمڈن نے ایک دلچسپ کانٹے دار مقابلے کے بعد ٹورنامنٹ کی مضبوط ٹیم خیبر مسلم کو پنالٹی ککس پر 5-4 سے شکست دیکر فائنل کھیلنے کا اعزاز حاصل کرلیا کھیل کے دوران پہلے ہاف میں کوشش کے باوجود دونوں ٹیموں نے کوئی بھی گول اسکور نہیں کیا جبکہ دوسرے ہاف میں ایک دوسرے پر سبقت لے جانے کیلئے ایک دوسرے کے گول پوسٹ پر بھر پور حملے لیکن دونوں ٹیموں کی دفاعی لائن کی مضبوطی کے باعث کوئی بھی ٹیم گیند گول پوسٹ میں داخل نہ کرسکی ریفری کے فیصلے کے مطابق پنالٹی ککس مرحلے میں کیماڑی محمڈن نے کامیابی حاصل کر لی۔
کھیل کے اختتام پر سیمی فائنل میں بحیثیت مہمان خصوصی شریک لائنز کلب کی ممبر لائن محترمہ تنویر عباسی، لائن سعید اختر جدون، لائن عقیل سولنگی، لائن بشیر سولنگی، لائن زمان، لائن ڈاکٹر فوزیہ، ممبر فٹ بال ایسوسی ایشن ڈسٹرکٹ ویسٹ رضا خان، سلیم سماء، میڈیا کوارڈینٹر شیر افضل کے علاوہ دیگر فٹ بال سے وابستہ شخصیات نے شرکت کی جنہیں دونوں ٹیموں کے کھلاڑیوں سے ملاقات کرائی کی گئی۔ ٹورنامنٹ کا شاندار فائنل 18 مئی کو کھیلا جائیگا ٹورنامنٹ میں کھیلے گئے پہلے سیمی فائنل میچ میں ریفری کے فرائض نیشنل فٹ بال ریفری رضوان خان، سلیم فیض اور نصیر الدین پپو نے انجام دیئے جبکہ میچ کمشنر موسی خان اور میڈیا کوارڈینٹر شیر افضل تھے۔
چوہدری پرویزاشرف یونین کونسل ملوٹ کے دورہ پر عوامی وفود سے ملاقات کر رہے ہیں
مون سون انتظامات کو حتمی شکل دیا جائے، برساتی نالوں کی صفائی کے انتظامات تیز کئے جائیں۔ عمران اسلم
