لسبیلہ (جیوڈیسک) بلوچستان کے ضلع لسبیلہ میں مسافر کوچ اور ٹرالر کے درمیان تصادم کے نتیجے میں زخمی ہونے والے مزید 3 افراد دم توڑ گئے جس کے بعد جاں بحق افراد کی تعداد 11 ہو گئی۔
لسبیلہ کی تحصیل اوتھل کے قریب آر سی ڈی شاہراہ پر کوئٹہ سے کراچی آنے والی مسافر کوچ ٹرالر سے ٹکرا گئی جس کے نتیجے میں کوچ میں سوار 8 مسافر موقع پر جاں بحق جبکہ 25 سے زائد زخمی ہوگئے۔ ریسکیو حکام کے مطابق زخمیوں کو ڈی ایچ کیو اسپتال اوتھل منتقل کردیا گیا جبکہ 8 شدید زخمیوں کو کراچی منتقل کیا گیا جہاں مزید 3 افراد زخموں کی تاب نہ لاتے ہوئے دم توڑ گئے جس کے بعد ٹریفک حادثے میں جاں بحق افراد کی تعداد 11 ہو گئی۔
واضح رہے کہ آر سی ڈی شاہراہ پر ٹریفک حادثے کا یہ کوئی پہلا واقعہ نہیں رواں سال ٹریفک حادثے میں اسی شاہراہ پر 38 افراد ہلاک ہوچکے ہیں جبکہ بلوچستان ہائیکورٹ نے ایک حکم میں صوبے بھر میں گاڑیوں کے لیے شاہراہوں پر حدِ رفتار مقرر کرنے کا حکم دے رکھا ہے تاہم اس پرکم ہی عملدرآمد ہوتا ہے۔
عمران خان کو استعفے کے مطالبے سے پیچھے ہٹنا پڑے گا: اعتزاز احسن
سکیورٹی کی عدم فراہمی، کراچی کے مختلف علاقوں میں پولیو مہم شروع نہ ہو سکی
