لاہور (جیوڈیسک) ننکانہ صاحب میں ٹریفک حادثات کے نتیجہ میں ایک شخص جاں بحق جبکہ کئی افراد شدید زخمی ہو گئے۔ کوٹ وار سٹاپ ننکانہ کے قریب تیز رفتار مسافر بس اور موٹر سائیکل رکشہ کے تصادم میں مدثر زخموں کی تاب نہ لاتے ہوئے موقع پر ہی دم توڑ گیا جبکہ فقیر محمد، روبینہ بی بی اوربشیر احمد شدید زخمی ہو گئے۔
بسم اﷲ رائس ملز کے قریب دو تیز رفتار موٹر سائیکلوں کے تصادم میں خالد اور عامر زخمی ہو گئے۔ شاہکوٹ روڈ ٹول پلازہ کے قریب ایکسل ٹوٹ جانے کے باعث ٹرک بے قابو ہو کر دیوار کے ساتھ ٹکرا گیا جس کے نتیجہ میں محمد عرفان شدید زخمی ہو گیا۔ میر پور سٹاپ کے قریب ٹریکٹر ٹرالی کی سائیڈ لگنے سے رکشہ الٹ گیا جس کے نتیجہ میں پارس بی بی، عائشہ بی بی، زہرہ بی بی، ریاض بی بی، ارشاد بی بی اور محمد امین شدید زخمی ہو گئے۔
مطالبات تسلیم نہ ہونے پر ایپکا آج احتجاجی ریلی نکالے گی
سینئرز کی طرح جونیئر پلیئرز کا بھی بڑا ’ پول ‘ بنانا چاہتے ہیں، اصلاح الدین
