لاہور (جیوڈیسک) سانحہ ماڈل ٹاؤن کے سزا یافتہ گلو بٹ نے ہائی کورٹ میں اپنی سزا کی معطلی اور ضمانت پر رہائی کے لئے درخواست دائر کردی۔
لاہور ہائی کورٹ میں گلو بٹ کی جانب سے دائر کی گئی درخواست میں موقف اختیار کیا گیا ہے کہ سانحہ ماڈل ٹاؤن پر انہیں حقائق کے برعکس سزا سنائی گئی، ان پر دہشت گردی کی دفعات کااطلاق نہیں ہوتا جب کہ وہ اقدام قتل کے الزام میں بری ہوچکے ہیں، اس لئے عدالت عالیہ سے درخواست ہے کہ اسے دی گئی سزا کو معطل کرکے ضمانت پر رہا کیا جائے۔
واضح رہے کہ لاہور میں انسداد دہشت گردی کی عدالت نے گلو بٹ کو منہاج القرآن سیکریٹریٹ کے باہر پولیس آپریشن کے دوران گاڑیوں کی توڑ پھوڑ کے جرم میں 11 سال 3 ماہ قید اور ایک لاکھ 11 ہزار روپے جرمانے کی سزا سنائی تھی۔
صولت مرزا کیا بیان عوام کی ترجمانی ہے ، رانا ثنا، اب حمایتوں کی باری ہے، شیخ رشید
سزائے موت پر عملدرآمد سے شہریوں کا تحفظ ہو گا، اقلیتوں کو نشانہ نہیں بنا رہے، دفتر خارجہ
