لاہور (جیوڈیسک) وزیرداخلہ پنجاب شجاع خانزادہ کا کہنا ہے کہ سانحہ یوحنا آباد میں ملوث 5 دہشت گردوں کو گرفتار کرلیا گیا جنہیں افغانستان کے ذریعے بھارتی خفیہ ایجنسی “را” کی مدد حاصل تھی۔
لاہور میں پریس کانفرنس کرتے ہوئے وزیرداخلہ پنجاب کا کہنا تھا کہ یوحنا آباد میں چرچ پر حملوں کے 5 دہشت گردوں کو گرفتار کرلیا گیا ہے اور 3 اب بھی مفرور ہیں جب کہ گرفتار دہشت گردوں میں قاری الیاس، خالد اور تاج علی شامل ہیں جنہیں افغانستان کے ذریعے بھارتی خفیہ ایجنسی “را” کی مدد حاصل تھی تاہم ملک میں بھارتی مداخلت کا معاملہ دفترخارجہ سطح پراٹھایا جا رہا ہے۔ انہوں نے کہا کہ یوحنا آباد میں دھماکوں کا مقصد مسلمانوں اور مسیحی برادری کے درمیان غلط فہمیاں پیدا کرنا تھا جب کہ دہشت گردوں کا اگلا ہدف کراچی تھا۔
پریس کانفرنس کے درمیان کرنل (ر) شجاع خانزادہ نے یوحنا آباد چرچ دھماکوں کے سہولت کاروں کی وڈیوز بھی دکھائی جس میں ان کا کہنا تھا کہ یہ لوگ کبھی کراچی میں ہوتے ہیں توکبھی افغانستان چلے جاتے ہیں تاہم دہشت گردی کے متعدد نیٹ ورک ختم کردیئے گئے ہیں اور تحریک طالبان کے ٹوٹنے سے اس کے کئی دھڑے بن چکے ہیں۔
مخلوق خدا کی بے لوث خدمت اولین ترجیح ہے۔ پیر حاجی افتخار نقشبندی
کراچی میں وائٹ کرولا گینگ کے 2 مجرموں کو 45،45 سال قید کی سزا
