انقرہ (جیوڈیسک) ترکی کے شہر بورصہ میں خاتون خودکش بمبار کے حملے میں 13 افراد زخمی ہوگئے۔ غیر ملکی خبر رساں ادارے کے مطابق ترکی کے شہر بورصہ میں خاتون خودکش بمبار نے خود کو کو دھماکے سے اڑا لیا جس کے نتیجے میں 13 افراد زخمی ہوگئے۔
ترکی کے وزیر صحت نے خودکش حملے کی تصدیق کرتے ہوئے کہا کہ خاتون خود کش بمبار نے مسجد کے قریب خود کو دھماکے سے اڑایا جس میں زخمی ہونے والے افراد کی حالت خطرے سے باہر ہے۔
واضح رہے کہ گزشتہ دنوں ترکی کے شہر دیار بکر میں بم دھماکے کے نتیجے میں 7 پولیس اہلکار ہلاک اور 10 افراد زخمی ہوگئے جب کہ اس سے قبل ہونے والے بم دھماکے کے نتیجے میں 28افراد ہلاک اور 60 سے زائد زخمی ہوئے تھے۔
نئے آئین میں سیکولر اصولوں کو برقرار رکھا جائے گا: ترک وزیر اعظم
بھارتی مسلمان نے ہندوؤں کی عبادت کیلئے مندر تعمیر کر دیا
